[校園]到底點樣先至可以觸摸女神: 第十四章

曉雪一打開門，見到有個小朋友坐咗喺梳化
「好得意呀😝邊個嚟㗎？」

子文同曉雪講啱啱發生咗咩事

「哦~照顧小朋友啫，簡單啦」

子文勁厚面皮咁講
「咁得啦！順便喺度過夜啦」
「你攪掂佢，咩都得㗎啦！」



曉雪面都紅曬
「係度過夜？」

上當了？🤤
「I mean...你都唔想抱住佢周圍走㗎下話...」

曉雪將耳邊嘅頭髮撥返去後面
「其實留係度都OK...但係我要返一返屋企攞衫先...」



Yes！！！上當了！要扮下野先...
「你幾點返呀？我晏啲要返工喎...」

「六點到啦...咁你食唔食埋飯先出去呀？」

「唔啦...約咗朋友食」

「嗯...咁我同軒仔係屋企食啦」

計劃通...


－－－－－－－－－－－－－
曉雪返咗嚟之後，子文都差唔多時間要出去...
「你出去啦？」

子文拎起車匙
「嗯」

「咁...你小心啲啦喎...」

點解咁煩㗎
「得啦！」

曉雪望住子文既背影...

哎呀！唔記得問佢返咩工添！



子文約咗Oscar,呀熊係新雅苑茶餐廳食
果度一到食飯時間，就會泊咗大量的士係果度，
啲呀sir都會識做，唔係太耐都唔會請你食牛肉乾，
既然係咁，唔去嗰度食去邊度食？

食食下飯，子文講起今日點樣令曉雪住係佢屋企

佢地聽完之後，都叫子文表白真係同佢一齊啦

子文以表白咗都得去「玩」為理由拒絕咗

「真係無眼睇你」

同時間，曉雪坐咗係梳化，同凱恩傾緊電話


「點解佢可以咁煩㗎...」
「比曬啲暗示佢都係get唔到...」

「有咩所謂啫，不如你試吓同佢表白啦」

「不要！總之我就唔會同佢表白」

事實上係，子文唔係get唔到而係扮睇唔到...
－－－－－－－－－－－－－
十點幾果陣，子文返到屋企，見到個廳仲開緊燈
「仲未訓咩？」

「差唔多啦...」
「我煲咗湯呀...攞俾你飲啊」



「我唔要渣呀！」

子文預計到同曉雪同床既機會即將嚟到，但係要一步步咁嚟，唔可以做得太過火
「你同佢訓大房啦...我訓細房得㗎啦」

曉雪將軒軒放係床上，氹佢瞓覺
但係，軒軒點都唔訓，係咁指住玩緊貓既子文
曉雪問佢做咩，但係佢又未識講嘢答唔到...

子文行入房
「係咪慣咗三個一齊瞓？」

果然子文一坐落床，軒軒即刻唔嘈，自動自覺咁瞓覺
但係子文一走，又嘈返！



睇嚟今晚都係要三個一齊瞓...

最尾，軒軒訓最入面，曉雪訓中間，子文訓最出
子文今晚終於有機會同曉雪同床，勁high

訓訓下子文無啦啦攬住曉雪條腰
「我M到呀...」
子文知女仔M嚟會好辛苦，所以都即刻縮手

本身子文諗住軒軒訓著咗之後，就出返去瞓
點知，佢仲早過軒軒瞓著...

曉雪見到子文已經訓著咗，就無謂叫醒佢...
況且，曉雪都想享受下依種夫妻feel...
－－－－－－－－－－－－－
Instagram@giftedscholar_chiman
https://www.facebook.com/hoxton924/