[校園]到底點樣先至可以觸摸女神: 第十九章

曉雪都未話ok，條友就已經直接坐底咗，伸要直接坐係曉雪隔離，子文都未見過啲咁厚面皮既人...

個氣氛十分之尷尬...

子文見到多咗個人坐咗過嚟，都廢事同曉雪講啲調戲既說話，選擇唔出聲，靜靜咁食飯。

而坐係對面既白長峰就唔同啦，佢見子文唔出聲，就起勢咁係咁撩曉雪講嘢

「話說你有無去睇player number one 阿？」



曉雪其實前幾日先至同子文去咗睇，但為咗唔想比佢有野討論，唯有話
「無呀！唔好講！唔好劇透！」

白長峰見無話題，就將個波傳比子文。
「話說點解你地唔跟佢地食？」

子文同曉雪不約而同咁對望咗一下

子文諗到點樣可以佔有曉雪，又可以插返白長峰轉頭
「唔係呀！佢之前同我賭啲野賭輸咗，懲罰就係要單獨咁同我去一次街！依家你嚟咗，都唔算單獨出街，即係唔計數了」


「林曉雪~睇嚟你要同我再出一次啦！」

曉雪十分配合子文既演出
「喂呀😣你攪到要陪佢出多次啦！」

之後果段時間，條友都係黑住面咁過
－－－－－－－－－－－－－
返到去學校，白長峰同曉雪，要再多次練多次稿
子文就繼續坐返係後台hea



突然，曉雪走過嚟後台
「仲咩事呀？」

原來曉雪搵唔到佢件冷衫，諗住借子文果件嚟著

吓？

但係，子文著緊喎！

曉雪開始喺度扭計
「快啲除比我啦！！」
「就開始啦！」

「唉~算啦算啦...除比你啦」



曉雪著好件冷衫，就出返台前面

子文叫停曉雪
「等等等等等等等！」

子文除底咗曉雪副眼鏡
「我睇唔慣你唔帶眼鏡」

曉雪對子文笑咗一笑，就出返去台前
調音台，又剩低子文一個

子文除底自己副眼鏡，戴上咗曉雪果副
子文發現曉雪副眼鏡，度數應該同自己果副差唔多，於是就無除底繼續戴
－－－－－－－－－－－－－
完場果陣，曉雪同子文一齊走，都差唔多去到門口果陣，


有個師妹同曉雪講
「師姐！我可唔可以同你影張相呀？」

原來想搵曉雪影相
「得呀！」

點知越來越多人搵曉雪影相，子文心諗
頂你個肺，影撚完未？

五分鐘之後，佢地終於走得
「做咩咁唔開心呀？」
「不如我地都影返張呀？」

子文都未話好，曉雪就已經搵咗個人幫佢地影



子文左手插到，右就繞住曉雪雙手，曉雪更加成個人挨落去子文果度

預備...3...2...1！

曉雪人靚，影相果陣自然就做咗主角，但係今次曉雪成個人貼住子文，顯出子文唔只係陪襯品咁簡單...

子文照舊送曉雪返屋企，係車上佢地講起白長峰
「果個人真係好煩呀...」

「做我女朋友咪得囉！」

「咁樣咪好益你？」
「唔做！」

「三個月試用都好啦？」



「唔好！」
「比你副眼鏡我呀！」

子文拎出佢副眼鏡

「你有無抹個副眼鏡㗎？」

曉雪係袋攞出眼鏡布，幫子文抹下副眼鏡

曉雪除返低件冷衫比子文，
子文發現成件衫都係曉雪浸味
「你浸味真係好好聞...」

曉雪見到子文係咁聞件冷衫
「你好變態呀！」

「你啲味好似啲糖咁㗎！」
「總之就好好聞啦！」

子文攬住曉雪，聞下聞下就瞓着咗...
－－－－－－－－－－－－－
Instagram@giftedscholar_chiman
https://www.facebook.com/hoxton924/