話說我同同事 Sarah 上床,無意中見到 Joyce 張相...

我肯定冇認錯。
張相影得好清楚,最重要係 Joyce 個樣冇變過,同十年前一模一樣。
佢面帶笑容,條連身裙著得好靚,忠實地反映出佢嘅迷人曲線。
個 BB 應該未夠一歲,咁快修咗身?
「Sarah,張相幾時影?」
「唔知喎,啱啱收到,應該最近啩,咩事?」
「愛家建總部嚮邊? 上海? 北京?」
「重慶呀。」


「我地去重慶。」
「吓? 我唔係 PIC 喎,公司點會批?」
「我請你,聽朝即刻飛。」
「做咩咁急啫?」
唔等得,十年嚟呢次係最實在最接近 Joyce,如果錯失咗以後冇機會。
「你想見佢地唔使飛啫,記唔記得公司星期六有個 ball? 你話陪老婆去唔到呢? 公司請咗張虹虹夫婦,你去咪見到佢地囉。」
Joyce 會返嚟香港?
我會見到 Joyce?
「橫掂我條仔星期六要當值,不如你做我 partner?」
返屋企途中,心情無辦法平靜,等咗十年,我終於可以見返 Joyce。


但同時間好多疑問,佢明明係劉太,點會突然做咗張太?
果個張虹虹賤肉橫生,唔敢想像佢壓住 Joyce 會點。
而且佢出名私生活混亂,唔係換妻果種程度,係荒淫宴會果種規模,Joyce 點會搭上佢? 
仲幫佢生埋仔,好心痛。
「我返嚟喇。」
「老公,今晚咁夜嘅? 我同 BB 好掛住你。」
Rebecca 搓住個肚開門。
「冇,同同事傾耐咗。」
「我煲咗湯。」
「我自己斟得喇。」


我行去廚房...
「老公,果度唔係廚房喎。」
「吓? 哦,我想換咗衫先。」
「但果度係 BB 房喎。」
「係咩? 突然想睇下張 BB 床先啫...」
「老公?」
「嗯?」
「Joyce 係咪返咗嚟?」
吓? 你點知?
「講笑咋,不過你神不守舍個樣十足十以前,諗緊咩呢?」
「冇,公司星期六有個舞會,唔知去唔去好。」
「你去啦,我同 BB 搞得掂。」
虛驚一場。
「我瞓先喇,今晚 BB 唔知做咩係咁踢我。」
都係唔好同 Rebecca 講住,佢粗身大細唔知受唔受得起咁大刺激。



<< 未完待續 >>