話說故事已完,不過作者仲有野講...

有時睇到啲名作講主角一生,感覺好經典,我都想擁有一個咁嘅故仔,不過點寫?
自己啲甜故總會加啲感情元素彌補戰鬥場面不足,其實可唔可以掉轉? 寫愛情故事但加甜? 不過從來未睇過愛情小說,點寫?
舊年年尾睇咗一套 AV (冇抄低番號),故事講女主角離婚投靠姊妹,不過屋企只有姊妹個仔,於是... 心諗有個性經驗豐富嘅姐姐照顧下都幾好喎,姐姐肯教肯玩,小子精力充沛,日鋤夜鋤鋤出真感情... 於是便有題材了。
一如以往,有大綱之後先定結局,我諗冇野比男女主角白頭到老更適合愛情故事吧? 最後安排佢地靜靜地相擁離世,雖然老土,但總好過嗌埋子孫一齊 BBQ 啩?
有結局故事就唔會失控了,好多讀者視 Joyce 唔老係一個重點,硬要搵出個解釋 (大家太 IT mind 喇!),其實當初純粹諗住畀小小懸疑可以增加故事性,冇咩設計架,係咪好失望?
不過都有官方答案嘅: Joyce 條命會帶旺身邊人,包括埋佢自己,所以青春常駐 (仲發咗達),直到 Alan 死唔去,打破宿命,佢就回復正常。
有關故事名稱,一早已經計畫男女主角要各自離開對方一段長時間,突然聯想起蒲公英飛到遠處,於是就用咗呢個名,至於黑色係指 Alan 同 Joyce 本身並唔純潔。
有讀者投訴故事唔夠重口味,我同意,可能潛意識想錫住主角,其實故事內有幾處被故意留白,例如 Alan 結婚後搵 SP,除咗淫娃 Sarah 仲提過一個叫阿唯嘅日本妹,大概內容已經諗好,不過岔得太開冇寫到,另外 Joyce 被禁錮期間受辱嘅經歷,張虹虹妹夫嘅傳聞(垂涎美色,趁空虛寂寞時落手),同埋 Alan 出走沙地果十年 Joyce 點過(有錢有樣有身材嘅女人點會冇狗公?)... 呢啲都有好大發展空間,留番將來手痕用。


另一個投訴係每集太短,一千字真係捉蟲,原意想保証唔會脫期,殊不知一千字實在太小,Rebecca 個名加前後空白已經九個字,加上多對話去得更快,每集冇幾多句已經爆字,好多次想放棄,但最後都堅持住,而且的確係一個好好嘅訓練,迫自己分清楚咩係真內容,咩係多九餘,唔好嘥時間寫無謂野,不過下次咪搞我。
最後連載半年寫咗 89 集,比預計長三分一,最後再一次多謝各位長期忍耐與支持。

P.S. 感想都限住一千字,我真係強迫症嚴重患者!