我的援交師姐: (12) Queena 師姐的女
當我擰轉身去望呢把跟 Queena 師姐打招呼既「少女聲」時。。我見到一個 ( 好明顯係扮出嚟 ) 既驚喜/驚訝笑容，之後同我講：「咦？乜係你呀？我哋見過㗎喇！」
嗱嗱嗱嗱。。大家記得我第五章既曾經呢一句嗎：『「Hi ，我哋。。好似見過㗎。」( 唓，連自己都諗「見過大撚哂咩？下次夠可以話今次見過咯」)』
但現實中，人，仍然係不停咁用呢一句去搭訕，( 包括我在內 )，只要先前「見過」一次，下次再見時，就有藉口用上嗰句搭訕。。亦即係話，「佢」，搭緊我訕。
而我用上三段說話去發牢騷，大家應該估到同我搭訕既「對像」，唔多討好我。。其實，連我自己都唔多知道點解，難道，我真係咁膚淺，見到人哋「肥」，就歧視人嗎？有啲連自己都無法接受。還是因為佢未經我同意下，曾經偷拍我？但，呢一點「小芒果」都曾經做過，我仲好歡迎添。
但，無論如何，肥妹仔不單是「小芒果」同事，亦叫上Queena 師姐為「Queena 姨」，不可以得罪啊。咁，我咪唯有同佢 friend 囉。。
「Hi, 你好，係呀。。上次，唔該哂你幫忙喎。」
肥妹：「哦，唔使，咦，乜你又識 Queena 姨㗎？」
真係好想講上次啲M巾根本就係幫 Queena 師姐買，一洗清白。
Queena 師姐：「喂，你哋兩個要傾，約吖，我趕時間㗎。」
肥妹竟然認真嘅。。？！「好吖，你叫乜名呀？交換 wechat 吖。」
嘩，果然犀利，咁都攝得入？雖然面皮要好厚，但真係值得學習，「呀。。好吖。。」，就咁様。。我跟肥妹成為咗「朋友」
行路到 Queena 師姐途中，我問：「Queena 師姐呀，剛才Winnie ( 肥妹 )係你姨甥女嚟㗎？」
「哦，唔係，佢係我個女既朋友，不過我唔鍾意畀人叫「伯母」啫，所以咪叫佢嗌我做「姨」囉。」
吓？！乜原來 Queena 師姐。。竟然已經有個女？看情形，仲可能同「肥妹」既年齡？
一切的答案。。當我去到 Queena 師姐屋企，甚至令人更難以置信的事，都在入屋時揭曉。。Queena 師姐一開門就叫：「Margo，快啲出嚟幫手啦，買咗好多嘢呀。」
吓？！。。Margo？！( 呢個名，唔係咁多人用。。我，算做「識」得一個。)
一把少女聲由房中傳出，「媽咪，你返嚟喇？。。。喔 ~？？」而當少女聲的主人，亦差不多同一時間在我面前出現 ( 香港啲屋有幾大吖，聲到人到 )。。電影般的巧合，童話故事般的。。再次邂逅，「小芒果」！！
「你？」。。「妳？」。。
真係唔知點應對。。已經未諗將來點面對，因為，唔多唔少，Margo 已經成為我最新既「人生目標」。。但是，而家發現。。佢既阿媽，卻偏偏係含過我條撚既援交。。唉 ~ 今次真係死得好寃枉，第一次「叫鷄」，就撞到啲「咁」既嘢。。大劑！！
若然咁都仲死得唔夠，原來可以仲死多兩錢重添。。例如：
「Margo ，呢個係武館新「師弟」，原來肥妹Win識佢既，㗳哂佢糖，頭先喺「超市」畀我見到哂。」
Margo 仍然定睛望住我：「係咩？」
我的心，好難受。
Queena 師姐繼續：「呀，係喇，米仔，介紹你哋識吖，呢個我個女「Margo」。」，(再向 Margo 講)「佢叫 Michael ，不過人人都叫佢「米仔」既。」
Margo 聽後。。伸出手：「Hi。。Mic。。米仔，你好。」
我當然梗係都伸出手同 Margo 握手，但是。。估唔到第一次同 Margo 握手，竟會係咁情况認識。。而手中的「她」，雖然是這麽柔軟。。這麽滑。。當她的手只是輕輕一握時，我的心，就好像同時被握碎。。
「Hi。。Margo，妳好。」
。。。。。。。。。。。。。。。
唉 ~ 估唔到，今日一開始時，興致勃勃想去超市「識」女，而家如願以償啦。？但，斍然有此天淵之別。。唉吔。。好惨呀！！點解會咁㗎？！
~ 待續 ~