作為香港人,真係好依賴地鐵,以前返學出街都離唔開佢。
講真港英遺留嘅地鐵真係唔錯,比起London Tube或者Paris Metro一定好好多。
而家嘅「港鐵」,周不時都會delay,喱幾日好似又話peak hour果陣太爆,有人提議拆位,
屌你運豬車咩

入正題
上回講到幫Jenny搬(拎)完野,同佢出去行下,過程都係睇下啲舖頭,大部份都係齋睇唔買,學生哥邊有咁多錢。
唔詳講,廢時悶親你地

直入夜晚食飯


我同Jenny講:「肚餓未
佢:「ok啦。」
「咁即係點,食野未
「是但。」
講真,有時唔明女人點諗,「ok啦」、「是但」、「還可以」?咁玄嘅,乜唔係特首專利黎架咩?
Jenny笑笑口繼續講:「你係咪肚餓姐,係就唔怕直接講
啊屌,竟然畀Jenny話返轉頭,不過佢真係幾了解我

我:「有冇特別想食咩,中餐?(係,我係戇鳩,當時竟然提議去食中餐)西餐?秦國野?」
Jenny:「唔,食日本野好冇?


我:「哦,好啊。」
自此之後,我發現佢係生勾勾派,同佢出街成日都食AV國菜。
我有擔心過我肚會唔會生蟲,所以唔會食太多魚生,揀熱食穩陣啲

我差唔多食完我啲麵,見佢碟丁屎咁細嘅壽司拼盤仲淨返唔少,我講:「吓你飽嗱?」
Jenny:「都七七八八喇
我:「你唔介意我幫你清埋佢架可?」
Jenny:「你唔介意?」
「你有冇啲咩暗病,冇我唔驚嘅。」
「痴線,你就有暗病,成日食咁多野



我同佢都唔太介意食對方口水尾,看倌可能覺得幾甜蜜,但我當時就覺得冇咩特別,純粹幫佢清埋唔好晒,同埋可以食多幾款野
講起日本菜,聽講美X係咪有個賣成舊水嘅鰻魚飯,好撚寸姐,同擺個Aston Martin喺啲屋村商場叫價兩百萬有咩分別

埋完單之後我同Jenny講:「飯就食完,街又行咗,財散人安樂,返歸
Jenny:「走喇?不如行多陣先
我:「咁夜舖頭都閂晒啦,仲有邊度行
Jenny:「去海皮行陣好冇?」好撚老土,但唔知點解個個都係鍾意行。Jenny繼續講:「食飽晒,散步個人舒服啲添
我:「是但你啦,不嬲都係你話事
 
已有 0 人追稿