同Jenny傾完之後我就入返課室,肥狼問我:「你條女拉你出去講乜?
我:「哦佢講咗兩樣野。一,屌你;二,收皮
大家鳩up咗陣,就開始交換禮物。

以前交換禮物撚有兩類,一類係直必腸,認真買啲實用嘅野;另外一類係仆街仔,送垃圾或者用個鞋盒裝盒糖充大頭鬼
我係第一類,買咗幾廿蚊但幾靚嘅筆(我買咗兩枝,一枝自用),反正男女通殺。

之後大家放晒啲禮物出去堆埋一堆,班會主席(專業搞手,好撚有號召力 就開始抽箱入面啲班號,抽中嘅人就出去任揀一份。
抽到我我就出去揀份細嘅,因為我深知大份冇好野
原來係文具黎,都算有用。



最值得講係我另外一個死黨,姑且叫佢做阿永先
佢戇鳩鳩唔識死揀大份,有個friend見佢揀咗笑到仆街(好明顯係佢送
之後我地見送果條友笑到咁,圍埋去一齊拆
拆開最外層張禮物包裝紙之後,原來係個鞋盒,打開個盒見到好撚多層報紙,拎起份野都幾重手。
拆晒報紙之後,有層膠袋包住舊野,打開之後……

原來係西蘭花
我地見到笑到仆街(果陣笑到肚痛),阿永:「屌
之後成班埋晒黎睇,個個都笑到標眼水,連班主任(有兩個,兩個都算玩得,其中一個平時幾撚過癮,有啲似冷面笑匠)都忍唔住笑,同Nicolas Cage果張gif差唔多



啲人抽晒禮物果陣,就開始玩遊戲。
第一個好似係大電視(好撚老套
不過出果啲題目好撚過癮,例如用啲老師名,班友扮佢地啲特徵好撚似

第二個好似係辣辣壽司,因為仲有唔少壽司淨,有班仆街就起勢咁落芥辣

最尾好似玩收賣佬,冇乜特別好講。

我地班提早咗少少玩完,所以早啲執野,去其他班望下玩緊咩


屌你有啲人開youtube8唱K
不過都幾好笑,叫啲平時少出聲(毒撚)出去唱,聽到連我地都拍撚晒手掌

最尾就影下班相,大家吹下水,咁就完咗果年嘅聖誕聚會
已有 0 人追稿