百貨嘅第二日 即係9月30日 我又畀人捉咗去見社工
"姑娘都知道, 你都入咗呢間學校有一段時間喇喎 ,或者你講一講你嘅校園生活係點呀"
甜故嚟㗎喎
"冇咩嘢呀都普普通通啦 "
"咁或者你畫一幅畫, 呢幅畫要有人有樹有屋嘅 ,我而家畀啲顏色筆同埋一張紙呢你畫幅畫出嚟呀 "
擺明就係讀心術啦 ,如果間屋有十字窗的代表個人封閉 ,如果用黑色就代表個人悲傷, 如果將個人困喺間屋入面, 就代表自己冇朋友
呢啲嘢 ,我小學都識啦,咁容易畀你讀到心?
諗到呢度我就笑咗出嚟 ,唔係呀嘛,點可以笑㗎,死喇今次無端端喺度笑,實俾佢成機話我有自閉症啦, 結果壓力越大,就越笑,真係唔知點算
" 姑娘見到你畫呢幅畫都幾畀心機去玩喎, 可唔可以講呢啲一幅畫 有啲咩含意㗎 ?"
"冇咩特別㗎"




"姑娘留意到頭先喺度笑喎,你笑啲咩"
"冇咩呀"
已有 0 人追稿