[人格分裂]我入咗伊利沙伯中學: 處決

日光照入房間 ,應該大約係 6 點到啦 ,我開始見到太陽光 ,下晝兩點我就要處決啦 ,即係我仲有八個鐘頭命, 我望住天花板 ,噚晚十一點到而家我一直都係望住呢一個天花板 ,係漆黑之中等待黎明, 黎明嚟到又點呢 ？漆黑之中等到黎明 ，亦冇辦法改變任何嘢
到咗下晝一點半， 係時候要出門口喇 ，我之前已經講過我屋企佢哋學校只係得50米嘅距離 ，點解要早半個鐘頭去呀？ 畀多十五分鐘我去欺騙自己唔好咩？ 去到學校， 都係要見完班主任之後先至見校長
"其實佢啲成績都唔錯嘅, 不過呢有時呢上堂呢係比較多嘢講喎"
其實平時家長日都係講呢啲嘢咋嘛,有咩咁特別呀? 我終於發現 ,原來以前嘅我係身在福中不知福，家長日淨係要見班主任 ，已經係一個恩賜嚟㗎啦
"校務處喺嗰邊, 呢度直行過去就到㗎喇"
條走廊咁短㗎
我一路行 ,一路望住地板 ,向前行一步 ,我距離死亡, 就近一步
點解呢個事實,偏偏要到就嚟死嘅時候 ,先至諗到呢 ?
行到轉彎位啦
究竟人生嘅意義係啲咩 ?死亡嘅意義又係啲咩? 因為死亡無法避免 所以要強行為死亡添加意義? 校務處越嚟越近, 我真係唔敢想像 ,去到校務處 ,究竟會發生啲咩嘢事




( 末日就算躲不了 我會愛她多一秒)
( 原來和她相知都很少 卻以為心照)
"係咪約咗見校長㗎 ?"
"係呀 "
"咁麻煩坐低等一等啦,校長净係想見你家長啫 "
呢刻我嘅感受就好似一個死刑犯, 又火刑變成打毒針處決一樣， 我坐低咗喺梳化上面， 凝望眼前平平無奇嘅光景