[人格分裂]我入咗伊利沙伯中學: 片刻的救贖

Maria Chan block咗我 ,我完全冇辦法想像， 而家究竟發生緊乜嘢事 ，我唯一可以做嘅就係用alex chan呢個account post嘢畀佢睇。 我只可以寫
"漆黑嘅夜晚，手機嘅燈光照亮房間。
或者，呢個世界其實好公平，得到幾深厚嘅愛，就要承受幾沉重嘅痛。
黑暗，往往係死亡嘅象徵。
話說，我好多年無諗過要死。
其實落雨又有咩可怕喎
"你唔愛我，我要自殺。"佢揸住支針指住條頸。
"你放低支針啦，一間有人撞到你呀。"我笑住話。
事隔多年，經過唐詩三百首加埋都形容唔到嘅感慨，我行到今日呢個不歸嘅境地。
如果係打機嘅話，應該爆咗機十億次。




就算爆咗機十億次，如果最後都係game over,有分別咩？
無數嘅回憶同淚水，令黑暗變得嗜血。
如果我上咗車，或者今日嘅漆黑，會由光明取代。
但遺憾嘅係，現實入面，我無上到車。
我選擇走向太子道西嗰一秒，我走向一個唔同嘅世界。
打開手機，你會有咩感覺？
我嘅感覺，係無法形容，因為創造語言嘅人只會創造用嚟表達佢地知道嘅嘢嘅字。
我只知道，呢種感覺，只會喺地獄出現。
或者，由一開始，我就身處地獄。
所有嘅嘢，都只係幻影？




我明，其實我真係明，恐懼，只係因為被逼面對唔願意承認嘅真相。
其實我更加知道，你咁做，都係想我明白，一切都屬於同一個世界。
但係，可唔可以，唔好咁殘忍？
就當係施捨我一D憐憫，好嗎？
"點解Alex Chan同Maria Chan都係姓陳嘅？
係咪一家人嚟㗎？
係咪兄妹嚟㗎？"
"你仲玩嘢呀"
"你忍住唔好笑呀"
其實你知唔知，逐個字用手寫板寫出嚟要寫幾耐？




"吓，你要逐個字寫出嚟，我教你打啦"
我由上面寫到呢度，已經用咗四十五分鐘。
求吓你，放過我，好嗎？"
寫完呢段嘢之後都四點幾, 我先至瞓覺。第二朝起身 ，返學
"你教我做 chem"
" 係咪啱啱打完飛機先叫我哋同佢握手㗎"
" 你有冇睇a片㗎?"
" 梗係有啦佢一日打三次飛機㗎嘛 "
mariachan返咗嚟 ,但係 ,救贖永遠只可以持續一日