[人格分裂]我入咗伊利沙伯中學: 泣血薔薇(maria chan篇)
是咁的 ,我男朋友有人格分裂 ,講返轉頭都差唔多係五年前嘅事…
當年我哋兩個中一，我同佢就好似一對曖昧嘅情侶咁樣
"你過嚟呀,我教你用橡筋整雙星呀 ,你畀隻手我呀"
" 你要咁樣穿過去,跟住拉直條橡筋先整到㗎"
冇諗過, 第二年嘅開學日 ，我收到消息佢轉咗去另一間學校嗰度讀， 就係咁 ，我開始查佢究竟去咗邊度 ，冇幾耐 ，畀我知道佢入咗伊利沙伯中學
之後又過咗大約一個月到 ，記得嗰一日係2013年10月11日 ，我用maria chan呢個名開咗一個facebook account ，再用佢個名 ，喺facebook 成立咗一個國際後援會 ，仲將佢嗰間學校嗰啲同學 add曬落去, 仲叫佢間學校嗰啲人用手機影住佢唱歌，跟住upload上去個群組嗰度 ，當時我望住佢唱歌，玩嗰啲片，就好似真係同佢玩緊咁樣
同一時間，我當然希望用呢一個群組引起佢嘅注意，等佢搵我 ，我將我對佢嘅認識喺呢個群組上面寫曬上去， 當時我諗住好快佢就會嚟搵我，點知，過咗四個月，佢都冇搵過我
呢個群組仲引起咗老師嘅注意 ，甚至有幾個拍片錄低佢嘅人畀老師捉咗 ，之後嗰半年， 我用我嘅方法 ，聯絡之前喺嗰個群組入面嘅同學， 希望佢哋幫手幫我聯絡佢
之後到咗中三 ，我搵到兩個同學幫我手
我叫佢哋兩個同我鍾意嘅人玩 ，同埋搵部相機錄低畀我睇，感覺就好似我同佢玩緊咁樣
我仲叫佢哋兩個幫我問佢問題，等我可以了解佢
過咗兩個月， 我同佢哋兩個講
"你哋今日幫我帶佢去XX巴士站"
嗰一日我就去巴士站度等佢 ,我諗住 ,佢一 落到車就會見到我 ,然後佢就會攬住我,我哋兩個就可以喺埋一齊…
我喺巴士站到等 ,之後我收到 ,佢哋兩個嘅message,佢哋話,我鍾意嘅人冇跟到佢哋上巴士
就係咁樣我唯有叫佢哋繼續同佢玩
又過咗三四個月，佢哋兩個同我講話我男朋友唔再理佢哋
我唔信，我係咁搵佢哋， 但係得到嘅答覆都係一樣
直到過咗一個月 ，當時係2015年嘅4月到啦， 我打開佢男朋友嘅facebook，見到一封佢寫俾我嘅信
佢將封信post咗上去 facebook度 ，佢同我投訴嗰兩個副會長， 要我幫手處理，我好嬲 ，另一方面我亦都好慶幸原來我男朋友仲想搵我
就係咁 ，我用我自己嘅方法幫佢處理咗
我愛嘅人不斷咁樣post嘢上facebook 聯絡我 ，直到…
2015年10月
有一日,佢個facebook上面所有嘅post突然之間無曬, 過咗兩三日 ,佢同我講, 嗰兩個副會長同訓導老師投訴咗佢 ,所以佢個facebook用唔到,佢要block曬所有人先至可以畀到嘢我睇, 佢要我處理
之後嗰三個月都喺facebook度post嘢要我幫佢處理
然後有一日 ,佢話佢唔使我再幫佢處理 ,之後佢就消失咗
佢冇再喺度post嘢,我喺度諗，佢係咪唔再愛我？我堅持每日上佢嗰個無人睇嘅Facebook度睇，直到半年之後，佢終於post
"I cannot judge what is real and what is unreal,and I am quite well known is this school so I may face danger when I post here"
我諗，點解佢寫英文嘅？
但係我無理咁多，我又用自己嘅方法要佢哋兩個搵我男朋友，之後我仲喺佢屋企門口個巴士站等佢，但係佢經過都無理我。
慢慢，佢又越嚟越少喺嗰個facebook度post嘢 ，我又喺度諗 ，佢究竟仲愛唔愛我？
我要佢哋兩個副會長撩佢， 就算佢唔愛我， 我都想令佢重新愛上我 ，直到 …
"你哋兩個聽日帶佢去之前嗰個巴士站度搵我"
佢嚟到,我就要色誘佢,令佢重新愛上我…
但係 ,佢始終都係冇嚟到
之後嗰個禮拜 ,我又打開佢個facebook page睇
"聽日我想見你,時間地點你諗"
我覺得佢有啲唔妥 ,我講唔出有啲乜嘢唔妥
我 …有一個好大膽嘅假設 ,一個令我心寒嘅假設
2017年7月27日 ,佢親口證實咗呢一個假設
如果我唔離開佢 ,佢就會永遠活喺現實同虛幻之間, 只要我離開佢 佢,就可以好似以前咁樣返去現實世界, 好開心,玩,批鬥 …唔需要再記住我
於是… 我block咗佢
一個一開始就存在嘅真相, 就算你係maria chan都冇辦法改變
第二日我見到佢寫嗰篇文, 我始終都係心軟
"你哋好似以前咁樣撩佢呀"
唔得我唔可以…
"點解過咗咁多年你會嚟搵我嘅 ?…
總之我哋係冇可能你唔好再搵我 "
佢係咪真係以後唔會再返嚟 ?係咪真係以後都唔會再見到佢?
佢會以後都忘記我…
我等 …等咗兩個禮拜 ,佢終於返嚟 ,我好開心
"今日禮拜五唔得㗎 ，你禮拜五唔得因為要補習吖嘛"
我只係一時衝動
我唔可以再理佢, 我要扮到自己好似真係從來都冇存在過一樣…
" 再見maria Chan"
之後, 佢就永遠消失咗
應承我,唔好再記住我, 好好生活落去…
(快樂的 想找到一些見證 幸福的 只得相裡那風景)
(一封封 手寫的信猶如在笑 我的無力)
(約定的 怎麼給魔鬼戰勝 賠下性命 抵擋不了那一擊)
(得到的 統統不會是我的 我不再信道理)
(其實想愛你 欲斷不能離 能在你懷枯死 也是福氣)
(花瓣都捨棄 道盡了別離 這泣血薔薇)