【重甜】 我比Ocamp組媽摸到賓周（Patreon有圖）: 第53集 - 是咁的
Roomate呢樣野真係幾奇妙架
。明明連同班同學都唔係，但係因為住係同一間房而變得fd左...
不過有好有唔好啦。
「Niki~~~」Natalie喊到口水鼻涕乜都齊，仲整哂落我件衫度
。現在時間已經係3點鐘，佢已經講左我地聽過十幾次既分手故事，無非都係話咩其實佢仲覺得同ex有機會番撻。
「我話你知呀，忘記一段感情最好既方法就係有另一段感情
。」我講完都覺得自己好型，哈哈。「你有咩！」Natalie完全無視左我地個hall隔音唔係特別好呢個問題，所以由十二點到三點呢段時間已經有hall tutor上過黎兩次。
「有喎
。」食緊薯片既Ela話。「如果唔係佢點會咁快好似無事發生過咁？」呢個Ela唔知係想幫Natalie定想陷害我，明知Natalie而家擺明就想我地陪同一齊single啦。
「唉..」Natalie喊到就快無氣。「Niki你又靚又有錢...有新仔就一定架啦...我呢d垃圾就.....
」唉，有苦自己知啦。係呢個成街都係「女神」既年代，我點會咁快有仔呀...我只係被人強制將「性」同「愛」搞亂左姐...