【重甜】 我比Ocamp組媽摸到賓周（Patreon有圖）: 第71集 - 食組媽既後果

順帶一提，黎哥係約埋五六個組女一齊上嚟，唔知邊條女係佢食過？

呢個暗O既開場雖然都有啲活動玩吓，不過大家其實都冇當初去Ocamp嘅時候咁活躍了。因為大家都熟熟地，都開始小圈子玩，唔需要再搞d咩ice break遊戲。都唔係話唔好玩嘅，不過玩得最開心嘅都係幾個組爸媽同幾個高year既莊員係度自high，而我哋啲組仔女都係同返自己組玩。

隔離組個組媽Regina仲喺度話，係咪自己設計啲遊戲設計得唔夠好玩？大家都唔係好投入。

係呢個時候組媽女神Niki同佢講，「你咪當係ReU咪OK囉，最緊要仔女玩得開心，佢哋同返自己組玩，開心啲嘅話都冇所謂嘅。」

「咁不如搞啲氣氛嘢啦！」黎哥表示。於是乎佢搶咗枝咪，宣布：「好啦，概然大家都飲到醉醉地咁樣呀...我地不如....估...邊鳩個拍拖囉。」



我即刻打咗個特，完全係充滿驚恐。我用淆底獸既樣望住黎哥，黎哥可能佢留意到我同組媽兩個神色慌張，於是乎佢奸笑咗一下，繼續講：「我哋而家估吓，我哋兩組裏面有邊啲人係已經開始拍拖嘅呢？估中嘅禮物一份禮物。」

係喎，組爸媽準備咗啲聖誕禮物，原來係咁用！

不過而家重點唔係聖誕禮物，而係到底我同埋組媽嘅關係係咪會咁樣一時之間被揭開，而唔係等我哋慢慢去公開呢？當然我自己就想慢慢公開會舒服啲。

而家我同組媽嘅關係應該只能夠講係SP，都未係正式男女朋友，如果俾黎哥咁樣講一講，組媽有反感嘅話咁咪即刻收皮？今次大鑊了。

黎哥繼續講：「好啦，咁就第一個要公開嘅情侶就係……」



組媽即刻緊張到想衝出去搶咪。

但係組媽未搶到，黎哥已經開咗口了：「唔好意思，第一對就係我同埋…… ……比你哋估吓先。」

而家全場人都議論紛紛，有人開始尖叫，可能因為飲左酒啦。當然有部份人係開始心虛，冇錯，我講緊我同組媽，一時之間唔知講乜好，唯有對望一陣，然後靜左。可能就係呢個反應令到其他人開始察覺到有異樣。

「係咪不嬲都有呢個環節？」我先打破沉默，向組媽問。當然，係我地全組組員面前。

「呀...應該係掛。」組媽支支吾吾。「可能我無睇whatsapp。」



「做咩啊？淨係同組媽傾計？唔通你地...」大陸妹Helen咁講佢用佢唔鹹唔淡嘅廣東話，會有少少湖北口音。唔知點解佢就係做唔出廣東話d語氣。

「..我不嬲靜。」我話。我都無講大話呀，我真係毒撚。

「靜，即係身有屎。」同組既Grace話。Grace今日有化妝出黎，唔通佢知道今晚有咩淫賤派對玩？

「好興奮唔得既？如果我食到組媽，我不知幾期待公開！」我地果組既死狗公，西佬話。

呢條死狗公仍然未放棄食組媽，而家仲要咁公開講，係咪真係無哂其它方法？

「喂，想食你喎。」黎哥呢個時候放底支咪，行左過黎同組媽講。「回應下？」

係喎，其實我一直都懷疑組爸黎哥同組媽係有d關係。到底..我係咪應該搵組媽問問？

「食食食，食屎就有你份！」女神組媽竟然會講出呢d說話。雖然半講笑，不過有幾分係真心話。



「食屎呀叫你！哈哈哈！」黎哥大笑。我feel到，西佬其實應該好撚憎黎哥。

「唔通組媽已經？ ……」西佬話。

「組媽有拖拍係幾咁正常嘅事先得㗎。」同我哋同組女Ada咁講。「組媽咁靚女，一定好多仔溝。」

我而家個心真係又驚慌又難受。我估應該係妒忌心發作。

「組媽係咪已經同咗人拍拖？係咩人黎？」狗公西佬不斷咁問。

組媽只能尷尬回應：「哈哈……唔好亂估啦。」

而家嘅我，只能夠做返一個毒撚，望住大家嘅對話喺度傻笑。



黎哥見都傾到咁上下，又走返上個大台度繼續講：「嗱除咗估中嘅仔女有獎之外，出Pool嘅同學都需要請食飯㗎下。」

黎哥講得非常之興奮，佢都冇諗過真係無啦啦比人公開左嘅人嘅感受。可能有人唔方便講呢？可能有人唔想俾人知呢？完全唔使考慮吓嘅。

喺我哋組裏面傳嚟嘅女神早嗎嘅聲線，喺混亂之間：「你哋傾住先，我去個廁所。」

女神嘅聲線係何等溫柔，令到我如痴如醉。由於女神組媽實在把聲太好聽，我掛住幻想而睇唔到，原來組媽一直同我打緊眼色。直到佢真係要拍我膊頭然後行咗去廁所，我先至跟住去。

唔通..我同組媽既秘密，要有咩變掛？



（原圖在Patreon）