[倫理甜故] 豆沙妹延續篇之呀妹唔係我個妹: 第二章

似乎我都要向佢同向大家詳細解釋一番先至得嘞, 唔覺唔覺子妮今年都已經 18 歲囉, 但話說子妮響佢兩歲果陣時, 佢個同我地同姓嘅親生爸爸就因病而離去, 而佢親生媽媽當時又因為身體同財政上嘅關係無能力可以照顧倒佢, 果陣時爹啲媽 me 同佢地屋企都尚算係好熟。
 
而爹啲有見及此, 就提議將子妮先留響我地屋企度代為照顧住, 等佢親生媽媽就可以放心一個人番去大陸度醫病先, 但點知一去經年, 而子妮嘅媽媽亦從此就音訊全無, 但爹啲媽 me 對子妮就視如己出, 愛護有加。
 


而且我呢個妹, 由細到大都當我係偶像咁崇拜, 即係無論我做任何事或決定, 佢都會對我所做嘅十分之贊成同欣賞, 而且佢亦曾經同我講過一番說話, 「我第時嘅男朋友一定要好似呀哥你咁靚仔同咁錫我, 我先至會考慮同佢響埋一齊!」
 
但誓估唔倒, 我呢個妹對我嘅愛慕就日漸加深, 有一日, 果日係佢病左正在臥床嘅時候, 媽 me 叫我攞條濕毛巾黎幫子妮佢敷吓個頭, 但點知我幫佢敷緊頭果陣, 子妮突然捉住我隻手咁話。
 


「哥, 你對我真係好, 我話過第時我一定要嫁比你嘅!」
 
當時我聽到佢講呢句說話之後, 我只係覺得佢係病到傻左先至會亂咁講野, 但響之後每當有女仔打電話黎比我, 又或者佢知道我將要同女仔出街嘅時候, 子妮佢都會口黑面黑咁對我唔啾唔啋, 而果幾日我就要好努力咁氹番掂佢先至會有番好日子過。
 
我繼續同豆沙妹講, 「……., 所以呢, 呢幾年黎根本我係仲慘過妳, 妳都話有預感會撞番我啫, 而我, 簡直就係連想諗嘅機會都無呀!」
 
豆沙妹聽完之後, 「咁……, 我地而家響埋左一齊, 你個妹咪會受好大嘅刺激!」
 
我無奈地說, 「無辦法嘞, 而家就唯有見步行步啦, 喂, 啲野都係攞番上樓先, 跟住一陣不如我地…….出去爆房嘞好唔好呀?」
 


豆沙妹聽到後皺住眉頭講, 「咩你咁架? 個腦就剩係識諗埋哂啲咁嘅野!」
 
「嗱, 咁妳想唔想先?」 「唔想, 咁快, 今朝先至撞番你, 下晝就要人同你去搞果啲野!」
 
我拉住豆沙妹隻手臂 fing 住黎講, 「呢….., 我想呀, 都話左我要向妳負責任咯, 黎啦, 去啦, 我地去 7 仔度買袋咯!」
 
「唔去, 以前成日都係咁, 而家見番你都係無變, 一想就話要人咁!」 「去啦, 7 仔就響前面度咋!」
 
豆沙妹比我求多兩求之後, 「唔去 7 仔嘞, 安全呀, 可以唔使用架!」
 


嘩頂, 佢呢句說話簡直就聽到人行氣活血哂, 「咁仲等咩呀? 嗱嗱林攞番啲野上樓先啦!」 我拉到豆沙妹雙腳離地成個打橫咁跑住番屋企去放哂低啲野。