[倫理甜故] 豆沙妹延續篇之呀妹唔係我個妹: 第十七章

班大媽邊打住子妮邊繼續鬧住,
 
「呢啲衰女, 嗱呀秀, 我地而家就幫緊妳教女嘞!」
 
「打死妳呢啲衰女, 等妳咁樣黎對個老母吖嗱!」
 
「呀秀, 攞把較剪出黎將佢啲頭髮剪哂佢啦, 等佢知道吓有老母都唔認嘅後果係會點嘞…..」
 
「走? 學人執包袱走, 我地就睇妳走得去邊度? 快啲講, 而家妳仲執唔執野走?」
 


秀姑同班大媽正發哂狂係咁打住子妮, 呢個時候, 出面廳處大門嘅門鐘響起, 秀姑邊打邊問住, 「邊鬼個而家走黎襟門鐘呀?」
 
秀姑跑住去開門, 而其餘嘅大媽就繼續打住子妮, 大門開左, 秀姑見倒我同豆沙妹之後就問, 「你地係邊位黎架? 你地係想搵邊個呀?」
 
我已經望倒遠處房內嘅子妮正坐響地下度比幾個女人打緊, 我見倒咁即時嬲到就推開秀姑再跑住入去,
 
我好大聲咁喝住佢地, 「停手, 再打我就即刻報警!」
 
子妮見倒我就已經喊住咁嗌, 「嗚….哥救我呀…哥….嗚…」
 



 
我拉開幾個大媽, 跟住就跪低攬住子妮再用個背脊黎幫佢擋住, 呢個時候, 豆沙妹亦已經跑到過黎企響我地前面黎隔開住兩邊嘅人, 班大媽見倒咁就繼續破口大罵。
 
「做咩呀? 人地屋企啲事關妳地咩事呀!」 「哦, 咁快就有幫手上黎, 不過我地一樣係會照鬧衰妳個死女包架!」 「喂八婆, 唔好以為妳對波大就企度阻住哂喎, 妳好快啲行開嘞, 我地幾個對波都唔細得過妳架!」
 
豆沙妹出口嘞…….
 
鳳眼一厲, 豆沙妹正叉住條腰指住面前嗌得最大聲果個大媽, 巨肺一聲大喝, 「妳收聲, 妳地有無搞錯呀? 成班大人響度打一個細路女, 妳知唔知我可以告妳地班人響度蓄意傷害他人身體架?」
 


班大媽亦不甘示弱, 「咩呀? 嚇鬼呀, 呢度係私人地方黎架, 我地響度幫人教女又關妳咩事呀?」 「嗱妳好行開嘞, 我都可以報警話妳地兩個擅闖民居架!」 「八婆, 想同我地鬧交呀, 啱嘞, 黎啦….」
 
成班大媽馬上就開始圍攻住豆沙妹黎鬧住, 但豆沙妹似乎亦唔係善男信女咁, 見佢正以一敵五口沬橫飛連珠爆發住咁同班大媽響度嘈住, 剎時之間, 幾個女人正係咁鳩黎撚去再出埋爛化西咁互送生殖器官黎片住, 嘩, 原來女人嗌起交上黎, 果然真係唔講得笑呀。

鬧左一輪, 班大媽好似開始有啲技窮咁, 見佢地鬧黎鬧去都係得果三幅彼, 但豆沙妹就依然好氣吞天下詞鋒銳利咁繼續殺到班大媽片甲不留。
 
豆沙妹繼續趙緊面前果個, 「我頂妳個肺呀, 妳照吓自己副尊容先啦, 妳老公如果唔出去滾女人嘅我就跟妳去挽鞋, (指住第二個) 妳收聲, 未輪到妳講, (指住第三個) 妳又收聲, 一陣我會比足機會妳慢慢講, (再指住秀姑) 妳呢條仆街, 人做老母妳做老母, 叫個女出去同人做埋哂啲核凸野妳有無搞撚錯呀………..」