那一年中學last day,我搶左支咪同個女仔表白: 第七節:閒談
「咁岩呀敏姐,咩野風吹妳黎呀?」我走上前跟她說
「仲洗問既,睇下你溝女溝成點囉。自己一個行路都咁開心,肯定得米啦,仲有做咩成頭濕哂啊?」
「有排講呀,我地邊行邊講啦,不如去買啲小食食囉,我都有啲肚餓。」
我們一邊走,我便一邊講解剛才所有跟阿儀發生的事情。
去到熟悉的商場,走到相熟的店舖中:
「哇,稀客喎你兩隻野,好耐無見過你地啦。」
這間小食鋪我們已經光顧五年有多,小學到現在中四,所以我們跟老闆情如手足。
「無計啦,我同佢依家唔同中學,好難約到出黎架啦。」我歎息地說
「喂,好似係你平時唔約我炸喎你個萬人迷。」
「嘈少兩句啦你兩個,拿我私人請你地一人兩隻雞翼。」老闆笑著把雞翼夾到我們裝著炒麵的袋中
我們跟老闆道別後就到附近的天橋頂吹著天然風聊起天來:
「妳知唔知呢我地坐緊依到最近比人公審?」我躺在地上閉左眼睛說
「緊係知啦,你間學校啲同學仔上黎依到玩,跟住比網民影左相話依到危險呀~」
「就係依單,有時覺得依家啲小朋友真係好慘,屋企已經管得嚴,難得放學可以去玩下,又要比人放上網公審。」我坐起來認真地說
「佢地都係關心同著緊小朋友啫,又唔可以話佢地管得嚴既。算啦,唔好講依個話題啦,有無用到我尋日教妳個話題。」
「無喎,我覺得係頭先啲情況用仲衰,妳係唔係有心玩我架敏姐?」我看著阿敏說
「唔係呀,點會玩你呀,可能問完佢你同佢既感情更上一層樓呢。」
{其實我心裡面唔想妳同其他女仔行得咁埋.......正確啲黎講我唔鐘意你同其他女仔一齊。你幾時先明吳君恆.......}
這時我跟阿敏四目交投,她尷尬地站起來。
「我識你咁耐都未見過你為左一個女仔做咁傻仔既野,就算嗰一次都無.......希望你今次唔好令自己後悔啦。」
阿敏說的這一句話令我百感交集,我輕輕的對她點頭。
「我走先啦,得閒多啲約我出黎傾計啦,我隨時隨地都可以做你既伴侶啦,陪伴個種呀~」
「好啦,下次見........」
我看著阿敏的身影離去,感覺每一次跟她會面,我和她的距離就一次一次的拉遠........
(準備黎一啲互動劇情,有無朋友仔有追依個故,有既留言黎睇下,我再加插啲互動選擇)