【少甜，非甜故】為左變性，我唯有做雞。: 第一章 夜 (3)
我在中環隨便找了間西式餐廳，隨便找了個角落，打算隨便地點個晚餐。
「小姐，請問有咩需要？」高個子待應問道。
「有無咩好介紹呀靚仔？」
「我地而家有啲套餐係到做優惠，尤其係呢個情侶套餐，原價$899，而家減價至$499。唔洗$500就可以試到呢個Slow Cook牛扒，仲有海膽燒龍蝦，仲有…」看來他打算把所有菜式的名字都唸一遍，這年紀的男生，也太過不懂情趣了吧。
「好啦好啦，就要呢個套餐啦。」我有點不耐煩地說。
「小姐你唔係一個人咩？洗唔洗等男朋友黎到先再上菜？」
「多嘴！邊個話情侶一定要一男一女架？我一個人食兩人餐都得掛？」反正我剛領的工資夠我吃幾頓好的。
「緊係可以啦，咁餐酒要紅既定係白？」待應收回其他餐牌。
「紅酒，唔該。」
現在才晚上九時，我又不趕著回家，可以慢慢地享受這頓晚餐。
我輕輕搖晃玻璃杯，酒液貼著杯壁上旋轉，留下名為「葡萄酒的眼淚」的道道痕跡。
有人說傷心的眼淚是苦的，委屈的眼淚是酸的，感動的眼淚是甜的。
別傻了，全部都是鹹的，這個我很清楚。