【少甜，非甜故】為左變性，我唯有做雞。: 第五章 晨 (6)

「咁快又返黎既？」其實老闆你不說話我也不會當你是啞巴的。

「一份常餐B，茶走。一份腿蛋治，凍奶茶。」我沒心情理會他。

「坐果邊好唔好？」偉明指著角落的一個兩人卡位。

「好呀。你食三文治就夠啦？又話好肚餓既。」

「我每日第一餐食唔到太多野。」醫生的飲食習慣也不是太過健康。



「係啦，岩岩多謝你扮我男朋友。」

「舉手之勞姐，係我既榮幸。」口甜舌滑是當花花公子的必要元素。

回想起來，我還是第一次在街上與男生十指緊扣。從前援交的時候都很少與客人約會，通常都是直接到酒店，做愛比接吻多，牽手的次數屈指可數。

「岩岩果個就係hurt得你好深果個ex呀？」

「嗯。」事到如今，都無謂再隱瞞。



「佢岩岩係咪話半年後結婚？」

「嗯。」

「我諗我知道個真相啦。」

「咩真相呀？」我裝傻問道。

「其實你趕住變性係咪為左呢個女仔？」



「如果我話係，你仲會唔會幫我安排做手術？」

不愧是觀人入微的精神科醫生，你去當醫生不當偵探其實真的有點浪費呢。