【少甜，非甜故】為左變性，我唯有做雞。: 第六章 變 (3)

離開雍容華貴的診所，我再一次走到人來人往的街上。

看到自動櫃員機，我反射動作般的走近，拿出了提款卡。

多次檢查過戶口有六位數字的存款，我才放心離去。

距離我成為男人的日子，不遠了。

不知道是心情好，還是藥物的影響，我最近一個月好像吃極也不會飽。



不過為了省錢，我吃的都是垃圾食物，這可能也是令我看起來多肉了點的原因吧。

「讓那　彩虹長橋無限伸展……」電話響起來，我沒等鈴聲響完便接聽。

不只身體有些變化，我好像連習慣也有些變化了。

「喂？」

「係我呀。」



「王偉明？」

「係呀，你做咩唔黎覆診呀今日？」

「我有啲野做。」

「咁你都可以打黎取消掛？你知唔知我今日等到六點先放工？」偉明少有地兇惡。

「六點都唔係好晏姐。」我大好的心情就這樣被他破壞了。



「上次你已經甩底，我問過你今日得唔得你又話Okay，最後你又唔黎，你知唔知個位本來可以比另一個Patient架？」

「你管我咁多做咩姐，你又唔係我邊個。」

「咁我幫你約下一次覆診啦，你有咩事自己返黎約過啦，拜拜。」

「拜拜。」

收線以後，我才發覺自己剛剛粗魯得很。

不過算了，我們大概都不會再見面。

我的意思是，下一次見面的時候我已經不再是林恩兒了。