「啊啊啊啊啊啊啊啊!!!」

我的咆哮傳遍整間醫院,憤怒的回音使我震耳欲聾。

一個護士神情慌張地衝進來:「請問係咪發生左咩事?」

「應該…應該係我問……究竟發…發生左咩事!」我好像喘不過氣。

「小姐,不如你抖順啲條氣再慢慢講?」護士小姐不敢站得太近。



「仲有咩好講,叫陳醫生黎見我!」我光著身子指罵她。

「Er..Dr Chan佢收左工。」她低聲說道。

「收工?你快啲叫佢黎見我!」


我再也控制不住泛濫的情緒,隨手拿起桌上的水杯,擲向眼前的白衣天使。

「啊!!!」她一聲慘叫,幸好沒有被我擲個正著。



護士急忙跑離單人病房,只剩下我一人在大叫大鬧。

醫院保安在十分鐘後到達,我大概也是聲嘶力竭了,乖乖地躲在被窩裡啜泣,任由脫下的衣服與繃帶散落一地。

哭著哭著,就此進入夢鄉。
 
「我睇返你既醫療紀錄,你既瘜肉係兩年前婦科發現既,不過之前就話唔做手術住。你以前的確有向精神科睇過,不過已經無覆診兩次,而且報告話你已經無性別認同障礙啦,你以為自己今次係做變性手術?」

「唔做變性我做咩要做手術呀?」我沮喪地問道。



「呢份係你簽既手術同意書,上面好清楚寫住你做既係息肉手術,下面有你既簽名。」

我仔細一看,這份的確是上星期陳醫生給我簽的文件。想不到我隨便簽的竟然不是變性手術的聲明書。

「無理由架,陳醫生又唔係婦科醫生,佢唔係外科醫生咩?」

「你有所不知啦,Dr Chan其實都有婦科資歷,所以先會負責做變性手術。」

「林小姐,你既記憶可能因為麻醉藥既效力而有少少錯亂,我一陣會安排精神科醫生過黎睇黎。」

「唔洗啦,我執埋啲野就走。唔該曬你呀高醫生。」我淺笑回應。

這個高醫生一定是以為我現在精神病發作,不過我很清楚我經歷的都是真實的,我—定是被誰捉弄了。



我哭不出來,不是因為我不傷心,而是因為我太過傷心,傷心得忘記了怎樣流眼淚。