【食勻亞洲】上天堂前要食過的五條女: 八)急不及待玩玩了

一去到,陳小春係我組爸我一早知呀,但原來結衣,呀唔係,Chelsea係我組媽,我一見到佢嗰陣不禁咀角含春,有時世事嘅嘢真係好玄妙。
 
咁City Hunt 之前，一開頭緊係圍圈例牌自介下先。雖然有人講過做人唔好成日以貌取人，但從一個人嘅談吐語氣都基本上清楚一個人fd唔fd得落，相信大家都有所體會，我唔否認世界上有人貌醜心善，但我見得更多case係貌醜心更賤。
 
「我係Jason,相信有人註冊日見過我架啦,我隔離係組媽Chelsea,我地都喺係上年o camp識嘅,之後就做左男女朋....呀唔係,係好朋友啫」
 
啲組仔組女循例起下閧咁噓下咁,

「大家自介先啦」
 


「我叫Minnie,大家可以叫我呀Mi呀，係讀marketing 嘅，平時鐘意食野旅行,我成日傻更更架。我份人又好鐘意笑,少少野我都可以笑一日架哈哈哈。」條女有啲似細細粒,眼屎都未抹,諗起陶大宇(掩面)話齋「阿Mi呀」。
 
「我叫Leonardo,我平時鍾意寫下新詩,有時都會涉獵下宋詞咁,呢到有無人平時有睇文學作品架?」梗係無人應佢啦,你都黐撚線嘅,入o camp 搵 penpal 咩。
 
可能大家睇到喱到覺得我好mean好賤,但其實之後發現上面啲comment唔止我一個咁諗。請記住,任何時候第一印象真係好緊要,大家自介前要謹慎。
 
「我叫Noel,之前ce失敗好彩入番u,大家好呀。」一個好似未走出retaker 陰影嘅斯文女仔。
 
「我叫Justin,平時鍾意自己跑下步做下gym。」佢係一個望落幾nice嘅大隻佬。
 


「我係Ceci,平時鍾意整下甜品,最鍾意食brownie haha 但好易肥囉......」我見到阿mi睥一睥佢。正常人講以上自介無乜人理,但全group男仔都好聚精匯神咁聽,包括埋隻獸父。老實講,Ceci個樣又唔算話係好靚嗰隻,但係條女真係好可愛,少少肥,仲著跌膊衫,個樣有啲似篠崎愛,我想講,大部分男仔都好鍾意喱一type,啲angelababy錐子臉之流係女仔先會覺得靚。
 


我從來無諗過,喱個女仔會係三個月之後一手摧毀我十八年黎建立嘅人生觀。