【食勻亞洲】上天堂前要食過的五條女: 十)塞翁失馬

獸父,Justin同Chelsea當場睇到呆左,我都呆撚左,紅都面曬。
 
明明約個ptgf要一兩千仲要剩係可以拖手仔,而家我一蚊都無出過,究竟大學係唔係喺天上人間?
 
「我係咪嚇親你地呀?哈哈!」條肥妹真係好淫底。過左一陣,之後大家都有啲攰就各自返房訓。
 
當然啦,到左第二三日大家又回復正常,亦都好有趣咁大家無提過true or dare 件事,咁就完左個camp。
 
「屌都無野玩嘅!」「回水呀大佬!」當我係兩登睇到有啲人話我玩嗰個大o無野玩嗰時,我真係笑而不語。
 


而直到開學之前,除左keep住問下Chelsea關於reg 科exchange 啲大學問題同埋同阿Justin做左fd得閒互send下j圖之外,基本上同其他人無聯絡過,包括Ceci。
 
有時我諗番,究竟係Ceci求求其其搵個人做demo呀,定係佢真係對我有少少好感呢?我真係諗唔通係咪我自己毒撚自作多情。
 
話說大學不嬲第一個challenge就係上lecture。聽講有啲仆街成日係add-drop period 去 sit堂溝下女,亦有啲人由第一個lecture至到最尾都係自己一個坐。
 
我咁啱reg 唔到 Introduction to Economics 下晝個lecture,同唔到justin一齊上,要自己一個捱八半。
 
「頂,今劑都係要自己捱夠一個sem,哎,真係其實毒撚一個更開心。」我拎住份note入去lecture room。
 


當我坐左一陣係到聽歌時,「你隔離個位坐唔坐得?」
 
係Ceci呀! 係Ceci呀!
 
「其他人唔得,只有你得。」nonono,咁應人太cheesy。
 
「驚你坐爆咋肥妹!」nonono, 我同佢又唔係話去到咁熟。
 
「你坐啦!」我笑笑口望住佢,都係簡單啲好啲。
 


佢一坐落黎飄黎一陣淡淡嘅香水味。
 
「你又八半嘅?」
 
「又係reg唔到下畫囉!」佢扁扁咀咁講。
 
基本上大學上bba 啲lecture只要唔係太過technical 或者太深,大部分人都唔會點聽書。

我同Ceci就因為咁見多左面,有時上完lecture會行一陣街之後去食飯,感情與日俱增。
 
有一次Ceci話唔記得帶銀包,要上宿舍拎。