弊家伙，閻羅王唔見左!: (十一)

(十一)
我笑道:「大三元另外兩個大佬唔係叫紅中同白板咁搞笑下話?」

被喻為地府白曉生的白無常白糖糕，聽到我們談論大三元，興奮地搭訕，道:「嘰嘰嘰!打骰果三個真係中發白呀!紅中可以話係大三元入面嘅頭號打手，當年手執一把赤劍都唔知斬幾多鬼佬鬼!發財就人如其名，專打理大三元嘅生意!嘰，紅中發財一文一武，撐起成個字頭。」

史努比好奇問道:「咁仲有個白板呢?」

白糖糕見史努比有興趣，更提起勁答道:「呢個白板好神秘，好少浦頭，而且冇人見個佢真面目，每次出現都哩係個棺材入面，淨係聽到佢把聲。亦都有傳聞佢先係大三元入面最話得事果個。」

白糖糕自顧地滔滔不絕說道:「呢個大三元都幾犀利，其實歷史好短，成立嘅時間大概係97年前後。回歸之後港澳冥界主權由天堂移交地府，好多鬼佬鬼留番係度，組成左好幾個大社團，大三元就靠專打鬼佬鬼嘅地盤起家!」





白糖糕越說越是興奮，臉色紅得快讓人以為他是紅豆糕，道:「大三元算係比較乖，呢兩年都安份守紀咁喺陰間經營，冇向陽界伸手。不過始終姣婆守唔到寡，睇黎呢個骨場只係開始，以後有排煩!」

我幸災樂禍地向史努比道:「慘啦你，打開左潘朵拉的盒子，慢慢聽白糖糕講啦，我放水先!」

我說罷便離座，一踏出走廊便看見九叔背著小道童回來，我忙上前把他扶進去。眾人見狀都走過來，對二人表現得十分關切，特別是小道童。

九叔揮揮手道:「放心啦，玄武童子佢冇咩事!係請玄武神君上身太長時間，加上用左唔少靈力黎催動麒麟，身體有啲攰姐，抖下冇事!」

牛五問道:「九叔，個犯呢?」





論眼力見，牛五簡直連小學生也不如，氣得九叔道:「牛咁眼望住我做咩姐?捉到就搭埋佢番黎啦!呢個發財真係好古惑，追追下一個發財變兩個，搞到我地分頭追，仲要兩個都係假嘅，屌佢個屎忽鬼!」

我見氣氛不太好，忙轉話題道:「九叔，果兩隻麒麟呢?」

九叔摸著後腦道:「嘿嘿，唔好意思，果兩隻野比我散左啦!我同玄武童子都追到乾哂塘，冇靈力騎佢番黎，擺係街又驚比人執左黎搞事!」

我搖頭道:「紮個隻好閒姐!不過連你地都用得咁辛苦，睇黎我都係搞唔掂，仲以為可以學武藤遊戲咁，以召喚嘅形式作為戰鬥手段，睇黎都係唔得!」

九叔還沒來得及答話，白糖糕又開始展現話閘子的本色，道:「嘰嘰!靈力呢家野練練下就有架啦!你諗下初初連開著部ipad都唔得，依家連左輪都用到啦!之不過，點樣練就人人唔同，我自己……」





我打了個呵欠，道:「喂!頂唔順，收工走先!」