弊家伙，閻羅王唔見左!: (十七)

(十七)
豬籠車行駛了大概二十分鐘，便到了目的地，我才一下車，便看到了一張巨型橫額。

「全城驚嚇狂熱365日哈佬喂!」

自結界消失後，香港除了東方之珠、美食天堂這些美譽，還多了一個鬼都的稱號。本以為這是旅遊業界的未日，必定沒有遊客敢再來香港和澳門，誰不知少了怕不吉利的大陸遊客，卻來了大批百無禁忌的外國遊客。

自此，港澳的旅遊業瞬間轉營，以鬼作招來。當中就以海洋公園得益最大，甚至以真鬼取代演員，一年365日都舉辦萬聖節派對。傳聞由於對鬼的需求太大，更從外國輸入各種妖魔鬼怪。

海洋公園?




大概有十年沒有來過了，這次的行動對象是誰?竟然來到海洋公園，是不是有甚麼搞錯?

此時，藏在暗處的史努比笑嘻嘻地走過來，九叔把念玉交給他，讓他戴上。我不滿地道:「頂，我爭啲比你個淨音咒累死!」

史努比厚顏無恥地道:「嘿，我一早知你搞得掂架啦!你依家咪生勾勾係度!」

面對這臉皮厚得要死的史努比，我只好把預先準備的責難吞下，道:「喂，你又會係度，唔係跟緊陳清心嘅咩?」

史努比正想答話之際，腦內傳來九叔的聲音，史努比只好匆匆道:「聽埋Briefing先再講!」





「收到線報，幾日前地府黎左批新嘅外勞，當中有四隻係遞屬殺手組織『魅』嘅Level 3鬼同妖怪，佢地嘅申報表上寫嘅工作地點就係海羊公園。」

「我地收到可靠消息，呢班殺手好可能係大三元請番黎，佢地約左三點喺水族館見面。我地今日嘅目標主要有四個，大三元嘅首腦中發白同『魅』嘅第三把交椅—河童吉川純。至於其他鬼，捉到就捉，唔好勉強，最緊要都係搞掂個四個老細!」

「至於Action Plan……」

整個人和組被分為七大組，一般由三個小隊三人三鬼組成，唯獨是我所屬的那組只有五個成員，分別是九叔、小道童、白糖糕、史努比和我。

分配好組別和岡位後，我們化整為零，各自走到計劃的潛伏位置。





一路上，我問史努比道:「喂，你頭先未答我喎，唔係跟緊陳清心嘅咩?」

史努比點點頭:「係呀，我跟左佢地好耐，佢地應該以為巨鬼成功留住我地，不過佢地都好謹慎，兜左好耐先黎到海洋公園，跟住比遊客拉住影相先甩左。」

我呆了半晌道:「佢地都黎左海洋公園，唔通佢地同今次單野有關?」

史努比露出自信的神色道:「好大機會有關連，我估陳清心啲錢就係用黎支乎比『魅』嘅僱用費!」

我伸一伸舌頭道:「成億請四條友?有冇咁巴閉呀?」

史努比搖頭道:「第一，唔係一億，一億應該係上期，埋尾條數起碼兩億!第二，佢地係『魅』，全世界最惡名昭彰嘅殺手組織，聽聞佢地咁耐以黎只係失手過兩次，呢個價錢唔貴啦!」

此時，各人已到了指定地點，九叔傳來指令，道:「Action!」