又增添多一樣煩惱, 呢一日, 我真係有啲神不守舍咁, 腦入面正諗住三個女人嘅事, 我呆呆咁攞住隻杯行去公司嘅茶水間, 秘書倚麗剛好正在沖緊咖啡, 「咦, 偉倫咩係你呀!」 倚麗沖完咖啡之後,跟住就輪到我開始斟水, 倚麗望住我好似有啲野想同我講咁, 「偉倫, 你點知我就係詠欣個表姐黎架? 同埋你又點知係詠欣托我介紹你入黎做野嘅呢?」

我飲左啖水, 跟住就同佢講番上次響食店, 咁啱我就坐左響佢地隔離嘅卡位果度, 無意中就聽到佢地嘅對話之事, 倚麗眼仔碌碌咁點左吓頭哦左一聲, 又輪到我問住佢, 「係呢倚麗, 詠欣佢…係咪仲嬲緊我呀?」 倚麗故作神秘咁問番我轉頭, 「佢做咩事要嬲你呀? 你係咪曾經對佢做過啲咩事?, 所以你先至會咁問我嘅呢?」 

我口窒窒咁講, 「無, 唔係…, 唉, 即係….」 我嘆左一口氣後再講, 「你都知我以前係因咩原故而離職架啦, 之後我亦真係當左詠欣係仇人咁看待, 甚至乎有次響街度見到佢仲大鬧左佢一餐添!」
 
倚麗問我, 「咁你當時同佢講左啲咩說話咁呢?」 我唯唯諾諾咁講, 「果次咁啱響食店度見倒佢走埋黎嗌位, 我一見佢就嬲到話…我話…妳….識唔識得….咩叫做…排隊呀….妳…有無老母…..」 

倚麗即時示意我停止, 「偉倫, 你知唔知果日係佢媽媽過左身後無幾耐, 而當時詠欣就係比你呢句說話鬧完之後, 佢個心就嗱住左好一排呀!」 一記當頭捧喝, 內心即時就湧現住一陣極度內疚嘅感覺出黎, 倚麗跟住嘆左一口氣再講, 「不過算啦, 我都理解到你嘅心情, 我亦知道你都係無心嘅, 好嘞, 過左去嘅野就算嘞, 我地而家就番埋位去做野先啦!」





番埋位後, 本應煩惱住嘅我, 家下再增添多一樣內疚嘅感覺, 望住面前嘅電腦, 我腦內就好似空白一片咩都諗唔倒咁, 「偉倫呀偉倫, 做咩你會搞到今時今日咁多煩惱架?」

星期六, 去完老人院探老媽子之後, 我悶到想死咁, 跟住我就走左去老蘭度搵間吧響門口張枱度坐低, 我一個人飲住悶酒食住煙, 四周雖然嘈嘈閉咁, 但我個心就正不斷諗住三個女人嘅事諗到入哂神咁, 同一時間, 隔離無幾遠嘅另一間酒吧之內座位上, 一個熟悉嘅身影亦正一個人響度飲住悶酒, 望真啲, 原來呢個人就係詠欣。

詠欣已經有啲微醉住, 見佢托住額頭咪埋對眼揸住酒杯, 一身短裙套裝正翹住隻腳咁坐左響度, 臉額正微微發紅住, 微張嘅小咀, 動人嘅體態, 雖然獨坐響酒吧內嘅暗角一處, 但就依然吸引住唔少響場內正在獵食嘅各類人士, 狼群開始出動, 「Hi, may I….would you like…?」 「小姐, 我可唔可以….?」 「靚女, 做咩一個人坐度咁悶呀, 妳使唔使…..?」

詠欣懶理佢地, 繼續自己坐響度發呆住, 酒都已經飲得差唔多嘞, 詠欣開始跌醉住咁企左起身, 跟住就正跌吓扭吓咁向住酒吧出面方向行去, 行出酒吧沿途中, 有唔少人亦乘機向住呢個微醉嬌娃借意抽吓水咁, 屎忽比人揩擦住, 波波又被啲鬼佬刻意撞碰, 行到吧外, 有幾個揸住酒樽嘅老外見到詠欣咁嘅醉款, 各人即時打住眼色, 跟住幾個老外就已經圍住詠欣黎摻扶住佢。
 
第二十三章圖述
 





 
倚麗一番說話令偉倫如同當頭棒喝