[絕對無糖分]就係咁，我搬左入一幢充滿一樓一嘅唐樓: ２４　ＣＯＮＴＲＯＬ　ＲＯＯＭ

我而家簡直係久久不能平伏啊！！！

不能平伏有兩點！

第一，點解伯伯咁老都仲有氣有力叫雞！

第二，點解婆婆會扶自己老公黎叫雞！

我呆左望住眼前嘅彩虹姐……「喂！蕃薯仔！你唔好嚇我ＷＯ！做咩無啦啦咩反應都無晒啊！」



「……無……無野。」我答：「彩虹姐，果位伯伯係……」

「喂，先生，我約左彩虹先架ＷＯ，你唔係想截胡掛？」我身後有個大叔唔係幾好語氣咁話。

「唔好意思啊先生，入黎先入黎先。」彩虹姐拉住佢個客入去，然後細細聲同我講：「蕃薯仔，有咩野問等我忙完先問，拜拜。」然後就急急腳咁關門開工。

而我，就一臉震驚咁返上去……

嘩！簡直反三觀啊！通常Ｄ老婆都唔鍾意自己老公出去滾，唔鍾意自己老公出面有小三又點咁，但我頭先見到果個情況，係真架ＷＯ！！！



呢一刻，我打左自己一巴……好撚痛！咁姐係我唔係發夢啦！

真係好難想像到有Ｄ咁嘅事發生ＷＯ！ＡＶ都唔會有呢Ｄ情節啦……不過如果拍果Ｄ人諗到可能又真係會拍出黎……

但係而家唔係拍ＡＶ　ＷＯ，唔通彩虹姐成日講果個早客，就係呢個伯伯？如果係，咁姐係呢個伯伯已經唔只一次幫襯彩虹姐，而呢位婆婆亦都唔只一次陪自己老公黎叫雞！？

我而家腦入面已經清醒晒，突然有好多問題出現好想問彩虹姐……

伯伯已經咁老係點進行到個過程？伯伯運動果陣郁得快唔快？伯伯起頭時間耐唔耐……ＳＯＲ，問錯重點……



究竟點解婆婆會陪伯伯黎叫雞？婆婆唔嬲架咩？係未因為伯伯太有需要，所以婆婆先帶佢黎？

唔通伯伯有金槍不倒神功！？咁大年紀都可以進行激烈運動？咦……如果係真！咁我而家無撚用左！未可以叫伯伯教我！教我金槍不倒神功囉！！！

咁我有救啦！！！！！

諗到呢一度我就更加訓唔著，定時定候落去彩虹姐度睇佢係未開緊工，但次次落到去佢都有客，我而家先知道原來佢咁多客。

亦都因為我行出行入，舅父起左疑心後就問：「蕃薯仔，因咩事你今日行出又行入咁，係未發生左Ｄ咩事啊？」

「無啊舅父，我見訓唔著所以四圍行下咋，唔駛理我架。」我ＨＥＡ　９佢話。

「喔～但無野做都唔好行出行入啊，一陣影響到其他住客就唔好，而且影響到樓下姐姐仔Ｄ客，佢地會發嬲架。」舅父語重心長咁話。

「知道……」咁唯有今晚先搵彩虹姐啦……



等等？舅父覺得我行出行入，我諗充其量都係見我用出屋入屋姐，佢又會覺得我有落到樓下影響到Ｄ姐姐仔嘅？

於是，我問舅父：「舅父啊，你又知我點解落左去嘅？」

而舅父就話：「全幢野裝晒閉路電視，龍威哥間房可以睇到嘛。」

下！原來龍威哥間房係呢幢大廈嘅ＣＯＮＴＲＯＬ　ＲＯＯＭ黎架？