[絕對無糖分]就係咁，我搬左入一幢充滿一樓一嘅唐樓: ４２　七盞油燈

訓係床上面，倦意來襲，好快我又訓著左……

夢……又係果個夢……

係啊，又見到個陰陽怪啊。

但今次個夢境，好似有少少唔同，先前Ｄ夢境都好暗，但今次好似光左少少。

「喂～～～又見啊我地，今次覺唔覺得有少少唔同左呢？」個陰陽怪其實幾好樣，但佢把聲真係好撚難聽。



「係有少少唔同左。」我答佢，然後問：「但點解會唔同左？」

佢就指一指佢身後，我望一望，見到有七盞酒燈，而最近我果一盞就點著左，其他就咁放左係度。

「喔～～～原來就係呢一點燭光，整到呢度光左少少。」我話。

而個陰陽怪就走到我面前，敲左我個頭一下後話：「點止啊，呢七盞燈就係我要集整嘅功德，你要遇到嘅七件事。」

「七件事？」我問。



「上次因為唔夠時間講，所以無話你知，我嘅功德就係要將你呢七盞酒燈從新點起。」佢講完後，我就望實佢，一臉疑惑問：「咁呢七盞係你Ｄ功德，同我下面無撚用有無關係嘅？」

佢好神氣咁答：「緊係有啦。」

下！？原來我下面用唔用到，係關呢七盞燈事架！？

我即刻衝左過著左果盞燈度，正想拎起佢之際，個陰陽怪就衝左過黎話：「你做咩啊，未鬼郁佢啊，一陣整熄左就慘架拿。」

「你同我定啦，關係到我下面有無撚用，我實會小心Ｄ嘅。」我答。



「咁你又拎起佢！？」陰陽怪好緊張咁鬧我。

「我拎呢盞點著晒其餘六盞就得啦，你又有晒功德，我又有撚用返，幾好。」我話，但我諗我呢個天法可能太天真，陰陽怪佢用一個好鄙視嘅眼神望住我：「凡人真係凡人，如果一早點得著，我點撚著晒啦，仲駛同你夢境相見。」

嘩……神仙都會講粗口架原來……「咁唔咁樣做，可以點樣點著晒佢地呢？而呢一盞又點會無啦啦又著左？」

陰陽怪好小心咁望住我放低返盞油燈後，就話我知：「你記唔記得今日講左Ｄ咩？領悟左Ｄ咩？」

我諗左一陣……

「頂，都唔知你要個腦黎做咩。」……係未個個神仙講野都咁粗魯？「你今日去要個伯伯喪禮後，同龍威講嘅野唔記得左拿。」

「同龍威哥講……我記得拿！！！」我恍然大悟咁話。

「就係因為你領悟到，對與錯，是與非，睇表面係唔足夠，當每個人有自己身處嘅主場，誰是誰非，都只係一線之差，世上唔係所有嘅惡都只有惡，亦都一樣，世上唔係所有嘅善都只有善，要深切感受、體會，先會明白到錯與對，是與非嘅比例之分，無盡善，亦無盡惡。」陰陽怪望住呢盞燈，再望望我話：「我以為呢一盞燈係你最後先會點著嘅油燈，但估唔到竟然比你最先點著。」



「所以……」我疑惑咁望住佢。

「就如同我所講，七盞油燈係代表我嘅功德，你下面嘅有無撚用。」我地兩個同時望左望我嘅下面，「所以每當你整著一盞油燈，你下面嘅功能都會慢慢比返你。」

「真嘅！！！！！！」我聽到呢個消息後真係好開心：「咁！咁我今次可以拎返咩野功能！？」

陰陽怪見我咁開心，就好得意洋洋咁同我講：「射精。」

ＹＥＡＨ！我拎返射精啊！

ＹＥＡＨ！我拎返射精啊！

ＹＥＡＨ！我拎返……等等，我拎返Ｄ咩話？



「你……你再講多次。」我望住陰陽怪問。

「射精。」佢都係一臉得意咁同我講。

……下！？而我少量生物知識，我知道一個男人要射精前，都要有充血到勃起後先進行到……

「射精……姐係我而家可以硬到？可以射埋精？」我問，下！？如果係咁，姐係我一開始就打贏個大佬，咁我仲駛整著果七盞油燈？

然而，陰陽怪個答案同我想像係有好大出入，「唔係啊，剩係拎返射精功能，無得硬住。」

「……咁……咁我硬唔到點射精啊？」我問：「唔駛硬都射到精咁勁？」

陰陽怪話：「緊係唔得啦，射精緊係要硬到先射啦，所以你努力Ｄ整著埋其他油燈啊。」

下！？咁我拎返呢個功能姐係點啊！？



突然，又聽到電話個鬧鐘聲。

「又夠鐘，下次傾啦，你加油啊。」陰陽怪又準備一野打左落我個頭度，「喂……可唔可以……嘩！！！……咦？」

頂！黎唔切叫佢唔好打頭叫我出黎添，我諗我下次一定要一開始就同佢傾呢樣野。

起左身，個頭又係好痛，但我無理呢種痛就即彈陣左起身坐住，望一望我下面，不停用力咁想令到自己起頭……但都仲係無反應……

諗返個夢，個陰陽怪話我拎返射精功能，但係硬唔起……咁我而家係有撚用定無撚用呢？