[絕對無糖分]就係咁，我搬左入一幢充滿一樓一嘅唐樓: ９２　約實

呢件事，我同左小春講，當然我係用一個隱瞞左陰陽怪同我性無能嘅方法話佢知啦，佢望住四包粉，然後問：「蕃薯，你幾時玩呢味野？」

我望住佢，頂！？唔通佢以為！？

「聽我講啦，一入毒門深似海，好難先戒得甩㗎，學我叫下雞未算囉。」佢話……頂，佢真係以為我吸毒……

我拎起四包粉，然後話：「呢四包唔係毒藥黎㗎，係食完後……後……可以見到人內心世界，而我都可以將佢連埋一齊咁啊。」

「係係係，可以見到人內心世界，除左毒品我就真係唔知有咩藥會咁。」佢話。



……咁……佢又有佢個道理。

我都無咁好氣再解話，只係再講多次個計劃：「我地果日約左佢地三個出黎後，你就拎呢三杯倒左呢三包粉紅色嘅粉比佢地飲，而我就飲呢包用黃色粉嘅，你明唔明啊？」我問多次。

而佢仍然好可疑咁望住我問：「呢幾包野係未真係無事㗎，一陣你地有事，我就做左殺人兇手㗎ＷＯ。」

我真係聽到無佢咁好氣，靈光一閃後，我係佢面前伸出三隻手指，「三日。」

而佢又好疑惑咁望住我問：「咩三日？」



「你答應幫我落藥，我包你三日叫雞錢。」為左果七盞油燈，我真係去到盡。

小春望住我，雙手捉緊我呢三隻手指後話：「傻嘅，我地兩兄弟咁好感情，又點會為左區區三日叫雞錢先幫你呢，我只係問多幾句姐。」然後同我對視左一陣後又話：「真係三日？」

我點一點頭。

「成交！」佢答。

搞店左呢個幫兇……唔係，係幫手先岩，而家就到約佢地……



我諗約阿ＫＩＮＧ父母應該好簡單，不竟我知道佢地好想見返阿ＫＩＮＧ，只係要作個借口約阿ＫＩＮＧ出現，要用咩先岩呢？

如是者第二日我返到ＫＦＣ，今日我同阿ＫＩＮＧ同一更，我見佢成個人好累，就行去問：「咩事今日咁累啊？」

而佢，就好型咁慢慢湊近我耳邊話：「尋日癮起……又搞左成晚……」

我呆左咁望住佢話：「咁真係辛苦你。」呢句其實我最想同佢個對手講。

佢點一點頭後，就諗住行去繼續做野，而呢一刻我又靈光一閃，同佢講：「話說，我識一個人講點樣可以精神Ｄ，我意思係搞左好耐野之後……你明我講緊咩啦。」

我向佢打左個眼色，而佢就一副好明嘅樣望住我……其實佢明咩呢？我都唔明頭先自己講左Ｄ咩，但佢竟然明。

然後，佢行近我問：「講黎聽聽。」

我就扮晒野話：「做野先啦，一陣比經理見到就死，做完野實話你知。」



「但我今日同你收唔同時間ＷＯ。」佢答。

「咁啦，不如約聽日放工，我話你知啦。」我話。

「好，一言為定。」阿ＫＩＮＧ答。

聽日果更，有我、有阿ＫＩＮＧ同小春，咁小春實幫到我落藥，而家差約埋阿ＫＩＮＧ父母，希望聽日成功啦。