[絕對無糖分]就係咁，我搬左入一幢充滿一樓一嘅唐樓: ９９　回到時間點

「呢個就係佢初心？」我問，然後陰陽怪就點一點頭。

「但我點令佢搵返呢個初心？」我又問。

而陰陽怪只係笑左笑話：「唔駛搵，佢初心一直係度的話，就證明佢無忘記，只係因為誘惑太大令佢見唔到姐。」

「咁姐係？」我問。

「令佢再度覺得，初心係重要過誘惑就得。」陰陽怪講完後，憑空打左一下，然後薇琪成個人跌左出黎。



我望住跌左出黎嘅薇琪後話：「妳究竟有咩手段令到阿ＫＩＮＧ咁。」

佢只係笑左笑話：「我都講左，唔係我用咩手段，而係阿ＫＩＮＧ果一刻意志太簿弱選擇左我。」然後，佢幻化成好多野，有運動員、道友、打機宅男……最後變返做薇琪：「係因為佢揀左呢個誘惑，我先變成咁。」

咦！？等等？咁如果我將道德經變做一種癮的話，咁會唔會幫到手呢？

「你千其唔好咁做，如果初心變成癮，佢個人就無晒自我中旨。」頂……陰陽怪又讀我心。

「咁做又唔得！咁要點啊！」我話。



「唉……就等我幫下你啦。」陰陽怪向住薇琪揮左一下後，薇琪又憑空消失，「我幫你收埋佢一陣，你就把握時間幫你朋友諗返呢個初心。」

「但我又要點幫佢諗返ＷＯ。」我話。

「真係估唔到你咁蠢，你朋友為奴之日係幾時，果一刻就係可以救返嘅時間點，你而家係佢內心深處，就去果個時間點幫佢解開呢個結啦。」陰陽怪話，然後慢慢行去我身後面。

「但我又點去果個時間點啊？」我問完，突然感受到一股殺氣……

「唔駛急，幫緊你幫緊你幫緊你。」陰陽怪舉起手，一野打左落我個頭度……



頂……又係咁……有係好頭痛，但當我係痛楚張開眼後，我見到係阿ＫＩＮＧ，而及佢父尋好慌張咁住佢。

「囝囝……發生咩事？」「囝囝，我求下你，你唔好講比媽媽知。」「求我，你唔好以為得你清高啦，你地兩公婆都係一類人咋。」

我返到去，阿ＫＩＮＧ果日為奴嘅時間點。