[絕對無糖分]就係咁，我搬左入一幢充滿一樓一嘅唐樓: １０５　賠罪

我望住呢個維修師父一臉淫邪嘅樣，佢仲要望個身哄近個通風窗口，而我仲一邊聽緊ＶＩＶＩ同小雨嘅嬌喘聲。

……其實，我都想睇，仲蠢到以為掂高腳就可以見到咁。

但就係呢個時候，我聽到房入面傳出左一聲驚叫：「啊！！！！！」然後個維修師父失左重心，成個人連木梯跌左一大交，仲跌到勁大聲。

之後我聽到房入面傳出左一陣好亂嘅聲音，最後，門打開，見到嘅係一個好憤怒嘅ＶＩＶＩ企左係門口，仲好惡咁話：「你係度……裝咩啊！」

頭先ＶＩＶＩ講野果陣有一個停頓，係因為佢望左我一下，有一個好詫異嘅目光望住我，可能佢無諗過我會係度出現。



佢好惡咁講完之後，個維修師父慢慢企返起身話：「係呢個哥哥仔叫我黎ＣＨＥＣＫ野嘅。」

下！？你條仆街咁樣督灰！

……但佢又真係無講錯。

ＶＩＶＩ又望一望我，而佢身後面個小雨都行左出黎話：「又係你！做咩先前屈ＶＩＶＩ！而家又黎搞破壞！」

我聽到佢咁講後，只係講左我嘅帶佢黎嘅原因：「就同呢個維修師父所講，我帶佢黎係因為想幫舅父，叫佢ＣＨＥＣＫ一ＣＨＥＣＫ電線，但無諗過……」



「咁點解你唔一早通知聲先！係未做呢Ｄ野都話一話比Ｄ住客租客聽先啊！咁樣會影響到我地㗎！」小雨好燥底，但我覺得佢呢個燥底係對人唔對事，對邊個人？未我囉……我先前得罪左佢嘛……

我而家根本百詞莫辯，但唔知係未ＶＩＶＩ姐睇到我咁，佢按奈住小雨，然後向個維修師父問：「你話你黎ＣＨＥＣＫ野，咁你Ｄ證件呢？Ａ牌同Ｂ牌呢？呢Ｄ實要跟身，你拎出黎睇睇先。」

嘩，原來ＶＩＶＩ姐都識幾多野㗎ＷＯ。

而個維修師父聽到後就吱唔咁話：「……我……呢Ｄ……點會跟身啊，妳呢Ｄ女人識咩。」

「唔跟身？」ＶＩＶＩ問，然後佢入房，拎左一堆證出黎，「點會唔跟身啊，你做得維修，就預左隨時會比人問拎呢Ｄ野啦，仲有，蕃薯仔你用左幾多錢請佢黎ＣＨＥＣＫ野？」



我聽到ＶＩＶＩ姐咁問後，就答佢：「＄５０００……」

「咩話！？咁多，黎ＣＨＥＣＫ野邊駛咁多啊，出面一工都無咁多啦。」ＶＩＶＩ姐講完後，望一望個維修師父，然後再同我講：「你而家同我叫你舅父落黎，我覺得有Ｄ野佢而家要處理，你呢個假師父都唔好走住。」

ＶＩＶＩ姐講完後，我就上去叫左舅父落黎，ＶＩＶＩ左同舅父講左事情經過後，就趕左個維修師父走，然後同我講：「蕃薯仔，你做咩比人呃啊，維修呢Ｄ野舅父自己搞就得，而家煩到ＶＩＶＩ同小雨。」

舅父不停同ＶＩＶＩ及小雨講對唔住，仲不停話：「唔好意思啊真係，煩到你地，我聽聞你地房有Ｄ野壞左，不如整好電我叫蕃薯仔幫妳睇，當賠罪啦。」

「下！？」我望住舅父話。

「下咩，而家你煩到人，就會幫返人㗎啦。」舅父咁講，我都無辦法。

ＶＩＶＩ聽完後就話：「唔緊要，都係頭先條友衰姐，不過蕃薯仔係幫手我無問題。」

「下！？佢幫手？」小雨聽到ＶＩＶＩ嘅說話後講。



而ＶＩＶＩ聽到後就話：「乖啦，多個人幫手唔好咩？」佢好溫柔咁同小雨講，而小雨就點一點頭後，返左入房。

舅父見到件事好似解友左後，就話：「咁等到Ｄ電搞好後，我再叫蕃薯黎啦。」

就係咁，我比舅父安排左要幫佢地手。