[絕對無糖分]就係咁，我搬左入一幢充滿一樓一嘅唐樓: １０７　反鎖

其實我由細到大都好少做呢Ｄ野，一黎自己對美術麻麻地，二黎係呢Ｄ野係屋企有其他人做，所以我都未做過。

而家無啦啦叫我做，我真係唔知要點開始好。

不過好彩ＶＩＶＩ姐無諗住我一個人做晒，佢係諗住叫我一齊油，但油之前要搬開Ｄ野，所以佢同我一齊搬好晒。

係我地面前，係一道已經補好左嘅牆，只係未油油。

我望住道牆話：「你地係叫人整定自己整？」



ＶＩＶＩ姐笑左笑，然後小雨就話：「緊係我地整啦，你有見到我地請人黎整過咩。」

咁又係……

然後，ＶＩＶＩ姐就話：「唔好浪費時間，我想今晚搞店佢，唔想油多晚牆。」

「但……點解妳要揀夜晚油？唔日頭油？」我問，而佢地反左下白眼話：「日頭唔駛開工咩。」

佢地又講得岩ＷＯ。



ＶＩＶＩ姐開好油，而且佢邊開邊教我應該點油，我聽完後雖然都唔係幾明，但都唔會蠢到連用手拎全油都唔知嘅。

「明啦嘛？」小雨係旁邊好串咀咁問。

「明啦，放心啦。」我回應佢。

我地三個油嘅個情中，都算係有Ｄ計傾下，有傾有講下，我終於有少少膽開口問佢地：「係呢，我聽佢地話妳地係……」

「同性戀？」ＶＩＶＩ好直接反問返我，佢笑左笑後答：「你唔駛搵個話題問，直接問都得ＷＯ，我同小雨都係你面前錫過，你又知我地有磨過豆腐，唔駛問呢Ｄ都知啦。」



小雨聽到後好怕羞咁話：「喂啊，妳講都咁白都有㗎。」

我係旁邊，睇住佢地好似一對好恩愛嘅情侶咁，而ＶＩＶＩ姐都講到咁，我就直接問：「咁點解，妳地兩個係情侶，要一齊做呢一行嘅？」

ＶＩＶＩ停左停，然後笑左笑無講野，而小雨，就默不作聲好努力繼續油，雖然佢講到出口叫我直接Ｄ問，但係比人咁問，始終都有少少心理上不能解釋嘅感覺。

而就係呢個時候，突然間眼前一黑。

「啊！！！！！！」我聽到小雨大叫左聲，然後，係一個物件跌左落地，唔大聲，我諗係油掃跌左落地，跟住身邊好似有一陣風咁，再聽到ＶＩＶＩ姐把聲係小雨附近響起，「唔駛驚，無事，我係度。」

估唔到，尋日整完嘅電今日又失靈，頭先果一黑係停電。

而我就話：「我去叫舅父黎睇睇。」我行去門口，想用力擰開道門，但發現……開唔到。

佢地聽到我開左幾下門都開唔到後，ＶＩＶＩ就問：「蕃薯，咩事啊？」



「道門……好似開唔到。」我答。

然後，小雨就話：「係啊，道門有時會自己反鎖。」

下！？唔會咁好彩掛……