[絕對無糖分]就係咁，我搬左入一幢充滿一樓一嘅唐樓: １１４　心同感受

其實我都唔知我可以留係台灣幾耐，因為每留一個地方幾年後，我就要走，所以自己本身無咩朋友，但今次識小雨，我係從來都無一個咁強烈嘅感覺。

係一種，唔想同呢個朋友分開嘅感覺。

我同佢係學校一直都形影不離，已經去到係人地眼中，只要見到我，旁邊就一定會有佢係度，而且我地對答都係用廣東話，所以我地比人改左個名叫「廣東姊妹」。

但其實我每聽到呢個稱呼，心中係有一點甜，但究竟呢對姊妹可以行到幾耐，我真係唔知。

我成日都好怕見到分開果一日，小雨會企係我面前喊到呼天搶地，花客失惜，直到有一日，我講左佢知後……



「如果，分離果日黎到，妳可唔可以唔好喊？」我問，但當我問完果一瞬間，佢已經開始喊。

「……唔比……唔可以……唔可以分開……」佢係喊到抽搐果種，而我話話「妳知……我唔知幾時要走。」

然後，佢好突然咁抱住左我，而係我腦入面，又享起左王菲果隻歌。

徘徊在似苦又甜之間 望不穿這曖昧的眼
愛或情借來填一晚 終須都歸還 無謂多貪
猶疑在似即若離之間 望不穿這曖昧的眼



我慢慢望住佢雙眸，唔知幾時，我察覺到佢望我嘅眼神漸漸地唔止充滿住友誼……

而且……我係佢雙眸中，都見到自己對佢嘅感覺，慢慢從朋友……變成……但係呢個感覺……係真嘅？

我真係唔知呢一刻對佢嘅感覺係咩，但我只係知道，我回應左佢嘅擁抱，感受到佢而家嘅感受，我，都唔想同佢分開。

但我好更膽心分離呢一日嘅黎臨，真係好難可以搵到一個同我有共同語言、共同頻道、共同興趣嘅人。

……我可以點？