[絕對無糖分]就係咁，我搬左入一幢充滿一樓一嘅唐樓: １３０　邪花

用一個比人污辱完嘅心情係沖涼房行返出黎，而舅父亦都返左黎，佢見到我咁樣就即刻問：「蕃薯仔做咩咁頹啊，係未病啊？」

「舅父……我以後無面見人……」我話，舅父聽到我咁講都嚇左一跳，直到我將發生嘅野講比佢知後，佢大笑咁話：「呢個薰衣草每次見到仔都係咁進取。」

下？每次見到仔都咁？

「你遲下就慣㗎嗱。」舅父話，咩話？呢Ｄ點會慣啊？唔通會有人成日比人非禮強姦到日後會慣左咩！？呢Ｄ陰影黎㗎……

仲以為舅父聽完我講後會安慰下我，點知比佢笑我細路仔……好悲憤咁返房後，我收到小春ＭＳＧ，呢個時侯個死仔應該要返工，邊有時間ＳＤ　ＭＳＧ比我？



我打開左部電話睇睇。

小春：喂
小春：好撚癲啊今日
小春：今日個賤輝成個人呆呆滯滯咁，好似中左邪咁
我：屌，佢平日都好似中左邪咁成日鬧人
小春：今日唔撚同啊
小春：佢成個人好似個低能兒咁
小春：時不時望住一個地方傻笑
小春：個樣不知幾嘔心，我影張相ＳＤ比你睇



下？我唔想睇囉，但我都未ＳＤ呢句出去，小春個死仔就好快影左相我睇……

小春：你睇下佢今日個樣幾似低能兒
我：又真係好似
小春：係囉，都唔知佢搞咩會咁

小春講到呢度，我就回想返賤輝今日有搵過薰衣草幫襯……唔通，賤輝今日呢個狀態係因為果條女！？

如果係真的話，呢條女真係唔惹少ＷＯ，竟然可以搞到賤輝呢個平時咁仆街嘅人，露出成個低能兒嘅樣子，唔通佢真係識落降頭同邪術之類嘅野！？



我一定要好好補護自己先得……但係如果佢真係咁邪，我一個普通人又可以點樣防……咦，唔係ＷＯ，係我身體入面而家都有個陰陽怪係身啦，我搵佢幫手就得啦。

但我點樣搵佢呢……次次都係要訓覺佢先出現……得！咁我而家就訓，睇下我入唔入到去。

訓係床度一心諗住訓覺，而且有少少宿醉，所以好快就訓著，但係，當我醒返果陣，係比一個人拍醒。

我張開眼，第一下就諗原來唔係咁易可以搵到陰陽怪，而我再望下係邊個拍醒我，我見到嘅係坐係我坐邊，傻笑緊嘅小春。

我用一個奇怪目光望住佢話：「你搞咩笑成咁望住我……係未又諗住借錢？」

小春佢繼續傻笑咁搖一搖頭，然後話：「傻啦，唔係借錢……」然後佢停左停，好怕羞咁話：「蕃薯啊，我突然覺得到我而家呢個歲數，係時候結婚成家立室。」

下！？咩話！？



「你、你講咩話？咩結婚？」我驚訝到成個人彈起左，然後，小春又好怕羞咁話：「頭先……有個女仔話想嫁比我。」

下！？咩啊！？都無聽過小春有女朋友，無啦啦點會有女仔話想嫁佢啊？

「邊個女仔咁講啊？」我問。

然後小春繼續怕羞仔咁同我講：「薰衣草。」

下！！！！！！！！！！！！！

睇黎呢個薰衣草真係邪花黎㗎ＷＯ！！！！！！！！！！！！