[絕對無糖分]就係咁，我搬左入一幢充滿一樓一嘅唐樓: １４２　出賣靈魂？

我將所有知道嘅野都話晒比阿ＫＩＮＧ知，就連薰衣草同我嘅ＭＳＧ紀錄，假結婚個價之類都比晒佢知。

佢知完所有野後，就好認真咁諗：「睇黎，呢個女人真係唔簡單。」

「我夠知唔簡單啦，但而家可以點算？」我問。

「你會唔會知道佢幾時再落黎香港？」阿ＫＩＮＧ問。

「我點會知道，我又唔係同佢有親，而且佢Ｄ野我都唔想理咁多，我剩係想快Ｄ諗到方法去幫小春。」我答完阿ＫＩＮＧ後，佢反左一下白眼望住我話：「你一直咁樣點會諗到方法幫小春，就算諗到，一定係Ｄ好流嘅方法。」



我聽到阿ＫＩＮＧ咁講後，呆左一呆，然後問：「咁點解你又想知薰衣草幾時再落黎。」

阿ＫＩＮＧ嘆左口氣答我：「咁都要知道我地有幾多時間可以準備，雖然佢不停ＭＳＧ果兩個白痴，但都只係ＭＳＧ上同佢地接觸，但我地係同佢地兩個身處同一個地方，我諗呢個係我地現時最大嘅優勢。」

聽聽下佢又真係有Ｄ道理ＷＯ。

「咁如果知道佢幾時再落黎，你會點做？」我問阿ＫＩＮＧ。

佢又一陣沉思，然後問我：「介紹女仔比佢地兩個，你覺得ＷＯＲＫ唔ＷＯＲＫ？」



我同佢一齊望向佢地兩個，其實，咁樣遠望佢地兩個，真係會覺得介紹女仔比佢地兩個，係害左Ｄ女仔……

「你覺得呢……」我問阿ＫＩＮＧ。

「當我無講過啦咁……」佢答。

又係一陣沉思……「啊！」係我突然大叫左下：「你覺得比佢地知道原來係比薰衣草呃緊的話，你又覺得點呢？」

「呢個可能ＷＯＲＫ。」阿ＫＩＮＧ話：「估唔到你都有醒目嘅一面。」



「……好想對住你講粗口問侯你老母，但係我又唔想屌母狗。」我望住阿ＫＩＮＧ話，因為阿ＫＩＮＧ而家時不時都同我分享佢阿爸阿媽嘅房事我知……

「要知薰衣草幾時再落黎唔難，我去問龍威哥就得，但係又要點樣比小春同賤輝知道，薰衣草係呃佢同想利用佢地？」我問。

而阿ＫＩＮＧ左拍一拍我膀頭，然後話：「咁就要犧牲你。」佢仲笑得好淫邪。

望住佢，我感覺到有一種比推入火坑嘅感覺……「我唔會出賣自己肉體架。」

阿ＫＩＮＧ笑淫淫答我：「我唔駛你出賣肉體，你出賣自己靈魂就可以。」

……但我都唔想出賣自己靈魂ＷＯ。