我乘坐上了國泰700z號航班: 後記

後記

首先未睇晒篇故唔好睇呢篇後記


呢篇故最後係一個open ending，至於主角仲係咪仲會遇到怪事，定係咩事都冇再發生，呢方面留個空間俾大家自行想像


篇故開頭同最尾果首布蘭詩歌嘅首曲「噢，命運」，其實係布蘭詩歌嘅演奏會裡面都係會放頭同最尾，所以我都想用返同一個效果，希望會有人鐘意






呢篇故某d地方可能令人覺得好難明，其實我都係想大家混淆一下，等我d伏冇咁明顯俾人發現，雖然唔知大家鐘唔鐘意呢種結局，不過我自己好鐘意，所以就試下咁寫，或者會有人覺得交代得唔夠，又或者覺得我會又寫幾多部曲之類，不過呢篇故係真係完結，如果有人覺得爛尾，我都冇野好講，我已經盡左力去寫，始終我只係職餘性質寫故，自己又拋低書包好多年，但係又鐘意用書面語寫故，攪到好多詞彙我要上網查清楚之後先寫，所以花時間都比較多，希望大家多多包涵


至於催眠性幻覺呢種催眠術真係有的，呢一種屬於深度催眠，不過我自己認識唔深，如有錯漏請大家話我知


如果大家有咩地方睇唔明，歡迎留言問我，因為完左故，我所有問題都會解答









最後要同大家講一聲，我諗我會暫時封筆，因為而家返2份工已經好攰，而且新工好多野要記，我個腦容量有限，唔能夠又記野又諗故仔，同埋有時間我都用黎瞓下休息，當然我part-time份工上左軌道會轉做正職，如果到時有多餘時間，而又諗到好題材，咁我一定會返黎出故


多謝大家一直以來嘅支持，衷心多謝各位