被迫轉校仲要同女神同居？？【愛情】【校園】【武俠】: 第一頁－成長的第一步－第一季

在一個炎熱嘅夏天......「你話咩話？轉校？自己搬出去住？ 你傻左L個鼻？😒」我非常感到驚訝。老豆：「 轉校嘅手續都搞掂曬 屋都幫你搞掂埋 聽晚你就搬出去自己訓🤔」我自細同老豆嘅關係就唔多好，因為我總覺得佢唔多鍾意我

過咗一陣之後
媽：「今晚最後一晚係度訓啦😊」 阿媽托住碟橙放喺我面前張枱「 都唔明好地地轉咩校 搬乜嘢屋☹️」媽：「 你阿爸嘅教育方式就係咁㗎啦~😌」我老豆有兩個職業

第一個，佢個正職－學校教師， 佢提過係因為高中嘅時候受到一位老師所影響，所以有個教育夢。因為熱衷於教育， 多次被提名拎教師獎

第二個，佢另一個身份－武術師父－佢同朋友夾份搞咗間武術機構，以低價學費舉辦武術班。佢高中已經上過文匯報，話佢去完武當之後返到嚟成個人開始改變， 由廢青轉為有為青年。

大家眼中嘅好老師好師父，點估到做佢個仔咁痛苦......我係六七歲已經俾佢迫我學功夫，仲要係以超嚴格方式教，有次仲搞到暈低咗入院...... 而家仲趕我走





[第二日晚]
食埋晚飯之後。媽：「行李搞掂曬喇 嗰間屋嘅鎖匙 地址喺張紙度😁」 我著好鞋，拖喼準備走。老豆：「等等」老豆走過嚟，拎咗張100蚊俾我。老豆：「夜啦 飛的過去🤔」「哦」之後我就出咗門口

喺樓下截咗架的士，去到間屋，原來係公屋，入面都叫幾大， 基本上設備都齊全， 電腦丶電視、梳化、床、WiFi都有，沖個涼換件衫就上樓瞓......