《沉迷你, 至知大局已定...》: 2.4 檸檬茶

午飯的鐘聲響起了。
"你會唔會一齊食飯啊? " 阿芳問我。
"哦, 好啊! 你去去邊食?"我問她。
"無所謂啦…至緊要你鍾意…"她答。

"譚仔? "
"唔抵"
"M記?"
"熱氣"
"茶記?"


"污糟"
"壽司?"
"好呀, 但是夠時間咩?"她問。
"咁快啲行啦…"我答她。

真是不同。
依林的品味, 即使一間車仔麵店都可以接受。
阿芳, 卻與尋常的港女無異。
只喜愛日本那些茹毛飲血的食品。



愛一個人, 是不會介意她吃什麼? 她穿什麼?

因為愛是盲目。


"兩位想食啲咩?" 侍應問道。
"我想要兩個壽司餐…一個飲凍檸茶, 一個…"我說。
"熱好立克…"她急忙道。

想不到, 她都有着孩子氣。居然飲好立克, 這種飲品, 我由六年級已經停像這種"小學雞"的飲品。



暗戀一個人, 你不會介意她喝什麼, 因為在你眼中, 她的所有事情都接近完美。

飲品來了, 她用好奇的眼光望我杯凍檸茶, 問:
"好唔好飲架? " 阿芳問我。
"你未飲過?" 我問她。
她搖頭。
"之前見爸爸飲過, 都唔知好唔好飲? " 她說。
"試試…"我遞給她。

她吸了一口, 說: "原來是那麼好味, 我而家先知原來咁好飲…可唔可同你調轉啊?"
"可以…"我苦笑答。


飲回好立克, 都不知如何形容這種感覺。


但是, 你開心, 我就開心。

就是這杯凍檸茶, 令我和阿芳拉近了。
小息時過來問我: "會唔會到小食店買點小食?"
那刻, 我就成了厹, 陪伴她下到小食店, 買點小食回課室品嚐。
阿芳不知經上次午飯, 她竟然愛上了檸檬茶, 抑或她是愛上了我?

抑或又是我想太多了?

"多謝你啊, 馮仔! 我漸漸愛上你…介紹的檸檬茶…"她微笑道。
真是想得太多了