【愛情/輕甜】☺我的鄰家女孩☹: 十、〈 意外 〉
十、〈 意外 〉
有人話
女人只要滿足到男人三樣野
咁佢就唔會走得出你手指罅
心、身、同埋胃
係呢個名為「性」嘅世界
完全唔適用
點解?
因為係呢個世界入面
大家都係孤獨嘅
有人係為消除孤單感、有人係為刺激感、有人係單純「為食」
然後有人係為錢
明買明賣
最直接不過
.
.
/
她是誰 她是誰
照鏡 一片廢墟
她是誰 這眼淚
是出於我的
不過感覺為何逝去
無甚麼 哭花了妝
卸掉去睡
演戲這麼累
圍牆內寄居
/
依家身處地鐵月台嘅我，聽住歌，挨係牆邊望住一個個係我面前經過嘅路人
誰人又看得出我也許
將要被逼瘋
我是誰 我是誰
呢一刻嘅我最中意穿花帶蝶
呢兩句歌詞
下一刻呢?
叮!
-------------------------------------------------
今日08:12PM
係邊?
-------------------------------------------------
-------------------------------------------------
係邊?
到左月台
-------------------------------------------------
-------------------------------------------------
係邊?
到左月台
❤
-------------------------------------------------
阿瑩應電話中人要求，裝扮成一隻性感小野貓嘅模樣
戰鬥力lv99
腳下嘅三吋高跟，對佢而言完全不成問題
因身穿短裙而露出嘅修長美腿，引來不少路(男)人嘅目光
嘟嘟嘟嘟嘟嘟嘟
車門打開
相中人由車中走出
走到等到有點不耐煩嘅雪瑩面前，打量三分
「唔好意思啊遲左!」男生笑道。
「唔緊要」雪瑩除低耳機。
「wow~ so cool~」
雪瑩忍住想翻白眼嘅意欲，以一下微笑帶過。
男生伸出右手手臂，上身微微傾前，示意雪瑩牽上，然後雙雙搭扶手梯，走出銅鑼灣站。
「一陣間佢地問起，你話中學同學介紹啦。」
「嗯」
「我叫咩名啊~」男生係雪瑩耳邊問。
「阿nick，20歲，中意打籃球、草波鞋、落老蘭、同埋我。」雪瑩又一面笑容。
「Bingo!」
「其實你咁靚女，點解做呢行啊?不如做我女朋友啦～」
「一般黎講都係調翻轉，靚女做呢行先有著數，如果唔係你都唔會搵我啦?」
「你未答我問題喔～」
「就算你係真心我唔會考慮，何況你都唔係。」
「可能係呢～」
「算把啦你」
希慎廣場地下
「你確定D人我唔會識?」
「你有冇識人讀大學啊?兩日前你咪話架~」
「嗯」
「咁咪得囉!」
阿nick望望手機時間
20:32
啊…約八半希慎等班人仲唔出現
不過都唔錯
得閒就係要享受下呢種行去到邊都比人羨慕嘅感覺
今次呢條女都幾好
雖然身材唔及上次cherry 對D奶
勝在有氣質
玩左咁多次ptgf都係第一次見
有性格、有挑戰
阿nick目光轉去隔離身穿黑色摟屌裙、但又對佢愛理不理嘅雪瑩
有種騷動
「喂，今晚有冇約?」佢伸手撩左下雪瑩左耳背、再摸落頸。
雪瑩下意識縮左一縮，將手左手護住條頸
「冇，要加錢喔，同埋房錢你比。」
「嘿，得啦。」
20:35
遠方有幾個男仔揮手
「喂～Nick!」
「喂～」阿Nick揮手回應。
「又換女?犀利!敬佩!阿嫂點稱呼?」
「Ivonne」阿瑩橋住阿Nick手臂咁答。
「點識架?點識架?」
「中學同學介紹嘅。」
「點解我D中學同學唔會介紹D靚女比我～」男生仰天長歎。
「我訂左8點9檯，咦? 阿will佢地呢?」阿Nick望左兩望人群。
「佢地依家先係金鐘啊，一係我地行先啦。」
「搵人whatsapp佢地啦!」
「OK~」
-
附近某一間樓上餐廳
老闆留左張最入嘅檯比呢班後生仔
一塊塊磚砌成嘅假牆，配上船舵等幾個裝飾，加上燈光嘅襯托，係一間幾有親切感嘅餐廳。
除左訂留位嘅檯，餐廳內座無虛席，非常熱鬧，雖然事實上餐廳只可容納數十人。
「哎～食咩食咩!」Nick問道。
「唔洗等埋其他人咩?」阿瑩好奇。
「佢地食咩都無所謂架啦!」
「阿嫂~陣間黎嗰幾個人你唔洗點理佢地架~理我地啦~理我地就得架喇」
「狗公輝，停啦好嗎。」另一個睇落都係運動型又帶粗框眼鏡嘅男仔應佢。
「Ivonne啊，我叫天宇，nice to meet you。」天宇微笑。
呢個男仔，我諗佢先係呢度最狗公嗰個。
做ptgf見過唔少人，我宜家多一種技能好似可以分辨男人嘅本性。
有種人就好似佢咁
天生就識同人打交道
天生就識溝女、lum女
知道咩叫gentlemen、知道會令絕大部分女仔都會淪陷嘅地方係邊
同時佢地又偽裝得好好
生活圈子入面唔會有人清楚佢地另外一面
我諗… 佢可能同阿Nick一樣有搵開ptgf或者sp
對我黎講，一切都太明顯
「飲咩?」Nick問我。
「水蜜桃汁」
「笑下啦~咁多人~」佢捏左下我嘅面。
「喂!」我怒睥佢。
「哦~你搞到阿嫂嬲喇~」
「哦~」
大家起鬨緊嘅時候，三個後生仔行左入餐廳。
「有冇訂位?」侍應問。
「有啊，有朋友係度。」
「喂!Will!」
「啊我朋友係嗰邊」
「OK!入去啦!」
.
.
「啊…瑩?」浩軒呆左咁望住坐係阿Nick隔離嘅少女。
坐係度嘅少女，一霎那瞪大左對眼，然後佢用盡自己嘅忍耐力，將驚訝嘅面孔轉化成一個完美無瑕嘅笑容。
「哈囉!我叫Ivonne啊!你…認錯人?」少女對住浩軒揮揮手。
我認識
呢個完美無瑕嘅笑容