《咁我俾你揸，你揸唔揸？》: 10. 感覺

「凱倫，我燒好隻雞翼啦，你試吓啦！」，「我食咗嘅話，咁你點啊童童。」、「你…做我隻白老鼠先啦，睇吓隻雞翼熟未，咁我先再睇睇使唔做再加減D時間吖嘛，^皿^」、「好啦…嗯…岩…」凱倫說畢就將隻雞翼解決咗。

「嗯…好味，不過你燒多半分鐘啦，等層皮脆口D。」、「OK」童童滿懷歡喜地再燒比凱倫食，「凱倫，你呢隻白老鼠既然試咗童童隻雞翼，不如都試埋我隻燒雞翼啦。」、「吓，咁達龍呢？佢依加成Q隻速龍咁望Q實隻雞翼呢…」、「唔使理佢啦，快D試吓啦！」、「OKOK」。「嗯…岩…」，「屌，隻嘢未死過咁嘅？！唔係咁大整蠱吓話…」凱倫心諗，「點啊，熟未啊？定抑或過熟啊？」、「Er…夠熟，仲好yummy同juicy，你快D照板煮碗燒返隻比條速龍食啦，費Q事一陣餓得滯嚟我」、「嘻嘻，好啦。聽到啦，速龍，依加燒比你食，你等陣啦！」、「咁恨食藹敏隻雞翼吖你，睇你仲唔死。」凱倫黑化地心諗。

喺呢段BBQ嘅時候，彷彿情侶有情侶一邊打情罵俏咁燒住嘢食，單身狗有單身狗聚埋一齊取暖，但有一個人卻眼睜睜望住凱倫同第2個女仔一齊而感到悲傷。

凱倫食飽晒就隨即去搵表妹妤澄同凱達，「表哥，你嚟得啱啦，我哋正喺度搵緊有咩好玩啊，你不如帶我哋去玩啦。」妤澄聯同佢嘅姊妹黨問道，「OK，冇問題，係呢，條死仔呢？」、「佢同埋佢D fd肯定又唔知喺邊度聚埋一齊傾Online game嘢啦。」、「係囉，難得有個咁好嘅地方可以散吓心，放鬆吓，嗰班男仔都仲要為咗D game而屈縮喺一角，好噁心。」、「哈哈^▽^|||」凱倫實在太無耐啦，於是就帶佢哋去喂吓兔仔同羊咩咩，然後就自己一個去玩弓箭。

「澄澄，你就好啦，有個咁好嘅表哥，仲要住喺你隔離座，我都有個咁好嘅表哥就好啦…」、「係囉，你表哥又靚仔、人又好，仲要打得，聽講之前佢喺實驗室制服咗痴線同學，想像起嗰幕，恨不得將佢擁抱住，唔將佢比其他女仔（但事實係，條妹已濕）」、「嘻嘻^▽^|||」





樂樂喺廁所出嚟之際，就見到凱倫企喺水池睇悶魚，心諗正正係上天比咗個獨處嘅機會過佢，於是急急腳走向凱倫度：「凱倫哥哥，做乜自己一個喺度睇魚嘅？」、「啊，係你啊樂樂，冇啊，呢度已經係第3次嚟，對我嚟講冇咩好玩，只有喺度睇吓D魚為咗搶食麵包可以去到幾盡。」、「好啦，咁你慢慢睇啦！」，面對住已經黑化咗嘅凱倫哥哥，心諗「肯定又係觸景思情啦！」，只有比佢自己一個冷靜吓，但凱倫卻…望住D魚…猙獰咁笑住。