《咁我俾你揸，你揸唔揸？》: 17. 俾次機會
經過連串審問同調查，原來條通輯犯係個喺美國嘅高材生，叫Edelweiss，喺一次被女友戴綠帽後就開始起殺機，而且條女亦錯同屋企人夾過口供，借D意拋棄佢，而Edelweiss當然知道佢哋點對自己，然後潛伏喺佢哋屋企，運用之前喺中東當兵殺人嘅經驗，將條女嘅老豆老母殺撚死咗，然後到佢男友，再嚟就禁錮住條女，為期若半年嘅禁室施慾後將其殺害，而佢之後嘅目標則輾轉喺條女D閨蜜度，喺美西一處地方買咗間屋，並將地下室改建成多間隔音監房，繼而將佢D閨逐個施虐，即使對條女背叛而又不知情嘅閨蜜，都逃避唔到死亡嘅威脅。
當將佢哋囚禁嘅半年內，包括條女同閨蜜嘅鄰居們發覺佢哋都蒸發咗咁而報警，而美東嘅警察查吓查，發現有內情時，更加成立專案小組聯同美西嘅警察一齊去搵出Edelweiss，當Edelweiss喺街頭上，甚至傳媒報道去得悉自己已被成為目標，於是就比佢哋更先下手，先去伏擊調查呢單案嘅警員同警官，以及其家屬。喺美東同美西嘅警察大量失蹤嘅情況下，警察喺束手無策下搵上FBI幫手，FBI藉住搜查Edelweiss喺美西嘅私人監獄而向法庭申請搜查令，當佢知道美西間屋被查封後，循線搵到法官，以及FBI嘅官員，並且照板煮碗喺佢哋屋企伏擊並殺害，但若有女兒嘅話，就必定將佢玩個一頭半個月先殺死。喺白官得悉事件後，就派出海豹調查同獵殺，而國會亦批准成立一個獨立嘅調查小組，聯合各州去防範呢個恐怖分子。而Edelweiss知道今次絕對冇辦法對抗成個美國政府，於是就搵嚟當地黑道購買假證件，從而逃出美國，美國一知道佢著咗草，隨即經過FBI向國際刑警通報，雖然大部分國家嘅警察組織喺國際刑警上有其一席位，但佢所到之處，比如加拿大、墨西哥、玻利維亞、智利、愛爾蘭、英國、保加利亞、土耳其、阿拉伯、日韓、台灣，甚至中國同越南都有佢嘅犯案蹤跡。喺國際刑警嘅情報得知Edelweiss已逃亡到香港之際，中國嘅特警聯同香港警察一齊合作捉拿佢，但到佢嚟到香港之後，任憑2地情報組織點樣刮料都刮唔到一粒沙，而重案組就迫於情勢危急嘅情況下，就搵嚟地下組織嘅紅姐幫手。雖然最終捉到呢個惡貫滿盈嘅恐怖分子，但由於佢所涉及嘅國家實在太多，尤其美國人，簡直想將佢施虐再放上電椅。於是經過歐美同亞洲嘅多番激烈嘅商討同俄國入嚟分一杯羹後，決定喺冇發生過任何事件嘅俄國舉行國際法庭，並將其交由最兇殘嘅以色列處決，但此舉卻令阿拉伯同部分國家嘅伊斯蘭民眾不滿。
復課後，凱倫被2條友向上頭大力舉薦，而特首就就其冷靜嘅表現同協助警察而頒發好市民獎，當然更唔少得警務處處長私底下嘅獎金啦。
凱倫喺被頒發好市民獎後嘅翌日
「嘩，好市民啊！」、「比我集郵啦！」，喺一堆瘋狂而突如其來嘅粉絲下，由老師護航下返上課室，「凱倫哥哥，原來你冇返學係因為捉變態殺人魔啊！」樂樂雙眼發光咁望住凱倫，而達龍、糖糖同Cherry都各自一卵咀係咁講。
另一邊廂
「嘩，原來C班嘅莊凱倫係有份捉變態佬㗎。」，「係囉係囉！」A班嘅ON9兼豬扒頓時對凱倫呢條A班覺得係ON9仔改觀同成為其粉絲之一，而李社安見到班ON9突然倒戈相向，心中既係憂慮自己嘅地位，更係達至核爆境界，而李社安嘅忠狗們卻不斷提議：「安哥，不如叫你舅父幫手，亂安個罪比佢，等佢由天堂跌落地獄啦！」，李社安喺其他狗狗都示好下，於是就SMS比佢老母，托其同舅父講講。喺窗邊嘅坐位上，卻喺呢個返學嘅時候打電話：「大家姐，雷艷珊個仔啱啱同佢聯絡，話要叫反黑嘅雷正光整鑊杰嘅比莊凱倫嘆。」，「嗯，由佢。」耳邊傳來手機另一邊嘅女人聲，「收到。」，喺收線後，隨即怒啤李社安等人一眼。
再另一邊廂
「估唔到你嘅凱倫咁把炮喎，連變態佬都捉到，你執到啦，肥豬童。」，「佢係勁，但係我比較擔心佢有冇受到傷，佢呢排肯定好辛苦，有咩方法令佢好過D呢？」，「咁又係，隔離咗咁耐，又冇咗你嘅滋潤～」，「咩嘢喎…快D幫手諗吓有咩我可以做到啦！」，「嗯～依加都就嚟凍啦，不如煲D老火湯比佢飲，慰勞吓佢都好啊！而且煲湯對你嚟講，easy job啦！」，「係啵，咁放學你陪我去買料啦！」，「冇問題，為咗肥豬童未來嘅幸～福！」，「嘻嘻～」。
「鈴鈴鈴鈴鈴鈴…」小息鐘聲響起
凱倫一踏出房門，就見到黑白配3人，喺寒暄一番後：「Cherry，放學有嘢搵你。」「搵我，我唔得閒啵…」，「總之，不見不散。」。
喺經歷過漫長的上堂時間後，終於放學，凱倫就即刻上天台等Cherry。
「你搵我有咩事，仲要上嚟人都冇個嘅天台…」，「你係咪援交嚟？」，「吓…你…你講咩啊…」，「我好幾次收工都見到你同D麻甩佬喺何里活度走出嚟。」，「你……」，「係，我係援交，你同我講，係咪想趁機屌我啊？」，「我只係想問你，為乜要咁做？點解要傷害自己？」，「如果我有錢，你覺得我仲會唔會咁做？」，「你只不過係買埋D名牌晒命，樂樂同糖糖本來就唔介意你有冇錢，都願意同你一齊，點解要為咗錢同威威而出賣自己？」，「你了解我咩？你乜都唔知，你憑咩勸我？」，「係，我唔了解你，但係依加，請比我了解你。」，「你…哼！你唔使扮可憐同情我，你係想屌我嘛出聲囉，反正你都知我嘅秘密，當揞口費嘛當囉，反正我就係賤，我都慣晒啦…」Cherry一邊講一邊坐低爆喊，凱倫即刻擁抱住佢：「傻妹，唔好咁話自己啦，我當樂樂係啊妹，當糖糖亦係啊妹，你就更加係我啊妹，我問你係因為唔想你再墮落啊，如果樂樂同糖糖知道咗，你覺得佢哋會點？離開你？鄙視你？都唔係，佢哋會好傷心，因為你係佢哋嘅好姊妹，仲係佢哋呢生嘅好朋友。」，「真係？」，「係，佢哋唔介意你係有錢定冇錢，介意嘅係你點對佢哋，你依加話我知啦，到底咩事要做呢D嘢？」，「你可唔可以守到秘密？」，「你覺得呢？」，「嗯…我Daddy 3個月前失業，淨係靠住Mammy喺超市嘅人工嚟生活，而且學校洗費同飯錢又唔平，我唔想增加佢哋嘅負擔先至…」，「咁你點解唔返PT？雖然人工冇你做嗰D咁多，但係起碼可以幫到手。」，「你估我冇諗過咩？我每次見PT，唔係覺得我係女仔，就覺得我讀緊書有咩事就請假，就唔請我，如果我有PT做，我都唔會行到呢一步啦！」，「我或者有個機會俾你，但係要先問吓，如果真係有機會，你要唔要？」，「如果係真，我要，但係你都未知係咪真係有，唔通要我等你成世？」，「比2星期時間我，OK？」，「喔…」，傾訴完心事後，凱倫就送Cherry返歸，然後返PT。
「咯咯咯…」，「大家姐，我有D嘢想問你。」