我係一個糖水佬。: 一

「一心，唔該。」

「係，收到。」

我輕輕踮起腳尖，打開雪櫃的冰格，把一個外表平平無奇，甚或乎有點沉悶的銀色鐵模拿了出來，徐徐地把它放進焗爐裡面，再把指尖移到旁邊的計時器，按下「START」的那個按鈕，咇的一聲響起了，時間亦由「10:00」跳到「09:59」。

我彎低腰從櫃裡拿出一隻白色的長方碟，右手執起一支巧克力漿，輕輕按著樽身，不消一會碟上就出現了一隻巧克力漿擠成的小熊貓，再在旁邊擠了少許忌廉。

「咇咇咇...咇咇咇...」計時器響起了。



縱然焗爐仍是緊閉著，但仍阻止不了一陣濃郁的巧克力的香氣散出；
 
我戴上厚厚的防熱手套，把那個熱烘烘的鐵模拿出來，再把它反轉，擺上剛剛畫完的碟上；再往冰櫃拿出一盒巧克力雪糕，勺了一球放上忌廉上面，然後再往那個熱烘烘的心太軟灑上點糖霜。

「叮。」清脆的鐘聲響起。

「係，黎緊。」
「五號枱架。」
「哇，洗唔洗畫到咁可愛呀。」
「無計啦，比小朋友食架嘛。」


「一陣其他客又問點解佢哋嗰啲心太軟無畫碟，但有啲又有。」
「得啦，快啲拎出去啦，球雪糕就熔啦。」
「唉，對我都無咁好呀你！」

呀！差啲唔記得介紹自己。嗯 ... 首先我要澄清一點，我唔係叫一心，而岩岩喺出面嗌「一心」嗰個亦唔係「有容」，所以佢並唔「乃大」。

我叫阿豪，行年廿五，土生土長的香港人，家中獨子，萬千寵愛在一身。現在是個老闆，既是個員工。

咦？那一心是誰啊？



是剛剛被她送了出去五號枱的心太軟。

咦？那她又是誰啊？

她，是我女朋友。

「哈哈，佢又呻你醋喎。」
「咁係呀嘛，唔通廿幾歲人仲要畫隻熊貓比佢影相放上INSTAGRAM呃LIKE咩。」
「哎呀，得閒氹下佢啦。女人，係要氹架。」
「咁你又洗唔洗畫隻熊貓再加多個心心比你呀，張子晴。」
「死開啦你，駱嘉豪。」

而喺我身邊嘅喱一個，係我嘅好拍檔好朋友 ... 好 ... 老闆，張子晴。
                                                 
之所以話我既係老闆亦係員工，就係因為有個終極大佬喺度。我一直都唔係好明，點解我同佢一樣夾咁多錢，但我好似乜嘢都要聽哂佢講咁滯。 



「一心，一金。」
「喂，聽唔聽到呀你！」

「呃 ... 係，收到。」

擁有眼前嘅一切，話難唔難，但以「其實唔難」嚟總結又未免太過輕描淡寫，或者喱一切一切要大概由年半前講起。