[我當然有證有據先夠膽講,我既推論唔會有錯,種種跡象顯示出婆婆既死可能同張強有關。]作為line登神探,我對自己有信心。

[咁仲唔報警?]

[報警?有用咩?]我以輕蔑的口吻答道。

官官相衛,就算警察願意立案調查,但不能排除有更高層級的人加以阻止,到時候調查不成反而打草驚蛇。

最佳方法是掌捱足夠證劇後通知各大媒體,然後報案。媒體壓力足以令政府不敢官官相衛。





[如果報警冇用,咁點先有用?]張婆狐疑地道。

[幫我做卧底,我希望有足夠證據證明張強呢個人借老登進行不法鈎當。]

我不清楚卧底實際操作,但按照我多年看港產片,包括無間道,使徒行者的經驗,正義一方放置卧底後必定取得最後勝利。

不管別人信不信,反正我信了,至少張婆作為卧底是無需成本。

張婆整個人愣住了,不知所措,似乎千想萬想也想不到自己會被遊說參與卧底工作。





當然,我也從未想過自己會有找老友記參與卧底工作的一天。

警方也從未想過史上最老的卧底會出現在民間。

[張婆,只有你先可以幫到我。]我不自覺地牢牢緊捉張婆的肩膊。

[我......我可以點幫你?]

[係老登註冊,做埋高級會員,埋張強身邊,同佢打好關係。]





[老登?我從來都唔上論壇,對論壇都冇咩興趣,我點樣幫你姐。]張婆眉心輕輕一夾,流露出無奈之情。

[一切聽我指示,我會幫你手。]一切盡在我掌握之中。
已有 0 人追稿