［老人x懸疑x諷刺］我在老登討論區追尋外婆死去的真相: 堅尼地城6.2

下午三時出門，約四時抵達機場，比原定時間早了半個小時，爺爺的工作是到酒店附近的茶樓拿位。

我打了數個呵欠，心中暗自埋怨為何要在寶貴的假期中受罪。

一批旅客從禁區步入客運大樓，成舅父胖胖的身影成為記認。

［爸！媽！舅父！］我揮揮手示意他們走過來。

可能長途機讓父母與舅父過於疲倦，看不見我向他們招手。





我決定衝上他們面前，好讓他們得知我的存在，還有等候半個小時的辛酸。

［爸！媽！成舅父！］我張大雙手裝作擁抱他們。

［俊仔，係唔係黎左好耐啦？］母親關懷地問。

［一定唔係啦，計我話岩岩先黎，如果黎左咁耐，頭先點會見你唔到？］成舅父揶揄道。

［我黎左半個鐘啦，係你地見我唔到，我先至走上黎。］





［我地三個人十隻眼會見你唔到？就算係都係你企錯位，企埋d陰濕位，我地點見到？］舅父自以為風趣，自說自笑。

與他正面交鋒沒有好處，反正父母必定為舅父護航，我習慣了少說話多做事，容忍他一個禮拜就夠。

［係既係既。］我小心翼翼以一人之力把三件行李放在行李車上，用盡全力，腰馬合一推動行李車。

路途雖然不遠，但少不免要走一個小小的斜坡才到達的士站。

由於行李車超載，下斜時便難以控制，左搖右擺，車身向前俯衝如同閱兵時的戰機。





成舅父揹著小小的背包，以輕鬆的腳步行前，期間與父母談笑風生。

［俊仔，後生仔應該有氣有力，做咩拎小小野都行得咁慢，仲要喘哂氣扯哂蝦？］成舅父不屑地說道。