對唔住: 第一章

第一章

   我係黑龍，識我唔好留言告訴我。我A0，相貌平平，平時打下手球、籃球又一日。成績？全級150/250收唔收貨？有冇鐘意人？話冇就呃你啦！邊個？唔勢理，因為唔關她事。入正題，如果你想要看長期小說，成一百九十幾集個D，咁可以出返去，因為哩個故事只有大約10集，分分鐘冇，得6集。如果要甜故，都可以走先，因為其實哩個故事好正氣，不過都有少少裸露鏡頭，驚的可以又走先。仲有，如果想看我拍拖分手復合結婚生仔白頭到老，也可以離開。因為這個故事第一，男女主唔會一齊，第二，我只係軍師，我沒有參與任何前線工作。唔好問我A0點做軍師，我都唔知。  好，頭盔帶完，故事正式開始。

 [2017/10/23]話說今日係個風和日麗的星期日，本人係一個天主教徒，亦係主日學導師。教完個班仆街之後，就收到弱智的Snapchat message。哩條粉腸平平安安一9定唔會揾我，所以我決定走傳說場覆他。 
弱智仔：得唔得閒？
我：Jm9我：約我DFG? (明就明，唔明就算，當係娛樂活動一種）
弱智仔：唔係同你講笑
我：講啦，你揾得我就一定係認真架啦。
弱智仔：你爽快，我直接。


弱智仔：有條友同我表白。
我：咁點？想曬就唔該彈開。
弱智仔：唔係，但我好亂。
我：興家何出此言
弱智仔：「卿」呀
弱智仔：其實我唔係唔鍾意佢，但係我驚佢其實玩我。
我：Send 啲對話比我體下先啦！
弱智仔：👌