血色短故集: 鏡魔 二

不知不覺已經做到最後一份工作了。

我未來得切快樂，口咬著一條煙的老闆將一堆文件放在我的桌上。

「榮仔，呢啲賬單今日要做完，阿晴又放咗假，你幫佢做埋啦！」

話完，肥胖的他就走回了他的辦公室。

「唉，」我望著桌上的額外文件嘆息，「老闆明知我讀文科，點解要我搞會計啲嘢？」





「算啦，做就做。」

經過三小時的努力後，我終於完成了審查賬單。

當時已經是晚上八時，辦公室中已經毫無一人，我走到老闆室前，敲了敲門。

「榮仔？是你嗎？」

「是。」





「進來吧。」

我知道自己做得不太好，戰戰兢兢地向老闆遞上賬單。

老闆看了賬單一陣子，突然眉頭一繃，眼中冒出一陣憤怒，他猛力拍打桌子，「呯」一聲把我嚇壞了。

「你到底做咗啲咩？！啲賬單全部做錯晒！連自己公司名都寫錯，你係點樣考到學士學位㗎？！」

「老細，」我連忙道歉，「我係讀文科嘅人，唔識做呢啲嘢—」





「咁你同我講呀嗎！家下你做咗，你自己同我負責返！同我再寫過！」

「老細，我唔識做⋯」

老闆忍不住了，拿起桌上的原子筆扔向我，筆尖在我眼邊刮過。

「學囉！唔知咪學囉！嗱，我俾一日你學會計，你唔識呢就同我走！」

「係係係⋯」我急忙拿著賬單離開老闆的辦公室。

出到去後，我的腦袋像燃燒中的焚化爐般悶熱，血液像滾熱的水般燙著血管，我的臉　發熱得恐佈。

我將文件劈在自己的桌上，再去洗手閒發洩情緒。

我望著洗手閒那塊大鏡子，看到自己那充滿了怨恨的臉容咆哮著。





「點可能可以喺一日舉識做會計啲嘢！」

我拍打鏡子，對影也跟着我的動作，憤怒地拍打鏡子。

「你個垃圾，我有機會嘅話，肯定當你係豬咁斬！」

話完，我抬頭望著鏡子，突然發現對影的眼睛泛出紅光。

我擦了擦雙眼，再打開它們時，對影消失了。

而廁所的電燈突然全部關掉了。

鏡子反射著紅色緊急鐘的光線，在黑暗之中，照出一個不明怪物的身影。





我當場嚇了一嚇，不知所措，立即跑出洗手間。

當我走了出洗手間後，燈光突然回復正常了。

發生了甚麼事？停電嗎？

還未清楚自己的狀況，然後聽到老闆責罵我的聲音了。

「你仲唔快啲返屋企學會計？係咪博炒呀！」

「係係係，老闆，我立即返去學⋯」我像一個傻子般回答他的問題，趕緊回家學習⋯