人渣誠自傳（完整版）: 二

中四升中五既暑假，基本上我每日都同振威打LOL。冇計啦，個陣時我地都冇女，連街都懶得出，就留在家中排rank。每晚都打到三、四點先肯訓。 

係暑假最後幾日，某一朝，振威晨咁早打過黎。 

「Hi!」 

「HiAuntie咩，晨早流流做乜春啊!?」我望一望個鐘，九點幾，先訓得個五個鐘。 

「Hehe，出左分班名單喇，你快啲睇下啦。」講完，佢就即刻cut左線。 



我地學校每年都會係暑假就完既時候，係e-class度公佈分班名單。我同振威之所以咁care，都係想睇下有冇得同女神同班。 

但係...頂你個肺!晏啲睇都得架姐，洗唔洗晨咁早特登叫我分班啊!?正男朋友黎... 

唔好講笑，即刻訓多陣先。 

大概幾個鐘後，我訓醒之後，就去睇下個分班名單。原來，我、振威同佢個女神同班，難怪佢頭先咁興奮啦。我一下拉到最落，睇下有冇姓「黃」既... 

「YEAH!!!!!!!!」我發現我同Heidi同班之後，開心到叫左出黎。不過，一諗返起之前既Seven事，我跌落谷底，可謂百感交雜。 



我再睇下個名單，睇下將會同咩女同班，頂，成班肥婆黎既!我懷住希望再向上拉，點知，我見到佢個名。 

「張彥琪」 

我呆左幾秒望住個名單，點解佢會係中五架?

轉眼間，暑假就咁完左，我同振威打LOL打左成個假期。佢仲係銀，我仲係金...頂。而每個假期既完結，我都振威都會有一個沉重既問題.., 

「有冇做功課啊?」係返學路上，我撞到振威。 



「Hi 你仲洗講既!?緊係冇啦!」 

「唉Hi Hi喇，又要留堂。」 

「放心啦，有我陪你。」振威搭住我膊頭，好窩心。 

跟住，我地兩個一齊返到學校，返到班房。行到門口既時候，撞到Heidi。 

「Sorry...」撞到人，記得道歉。 

「唔緊要，原來我地今年同班啊?」Heidi講。 

「我諗就係喇...」講完之後，我就冇理佢。 

唉，原來佢啱啱個一刻先知我同佢一班，我就特登係分班名單度揾佢，顯到我好on勁、好毒。 



我入到班房，見到張彥琪已經坐係班房。佢察覺到我既存在，望一望我，我立刻逃避佢既視線，揾個位坐低。我知道，我今年既首要任務，並唔係要接近Heidi，而係要遠離張彥琪。 

「今年都幾齊人啊可?」今次唔係振威，係我另一個好朋友，陳健偉。 

阿偉係我中四先識既朋友，亦係我見過最靚仔既人。有人話揾到個交心既朋友難，揾個知音人更難。但係，我揾到，個個人就係阿偉。今年又同佢同一班。 

佢，就係我既「王靜」(一路向西)。

「個留級生又幾正wor...」小息既時候，振威指住張彥琪。 

「OK啦，巧婷正啲。」阿偉講既，係振威既女神。 

「Stop la啦你，咪搞佢啊你，反面架!」振威講。 



我偷偷地望下張彥琪，客觀咁講一句，真係大個女喇。對波大到可以擺上張枱，目測應該有D，係依個飛機場主導既香港，張彥琪都可以話係出人頭地喇。再加上佢個樣，愈大愈似龔嘉欣... 

「係咪呢?都話幾正架啦。」振威發現左我望緊張彥琪。 

「你望下佢個隻手，手指又長，又白又滑，你話攞黎幫我打J既話...正喇!」振威再講。 

我同阿偉即刻靜左。係，唔記得講，我同張彥琪既事，我淨係同過阿偉講，振威完全唔知情。 

好彩小息鐘響得及時，先冇咁尷尬。 

小息完左之後，要上通識堂。亞太區有一天成為亞太區你個街，我至憎上通識，你話我唔關心香港又好、港孩又好，但係我完全唔知讀黎做乜。咩野深層次矛盾啊，一戴一露，我鬼識咩。而中五仲要做IES，WHAT THE FUCK! 

原本我仲諗住遠離張彥琪，點知通識分左我地一組預備IES。頂，又係分組。 

就係咁，我同張彥琪、Heidi、振威、阿偉仲有巧婷一組。 



天意弄人啊。