等到長都頸埋,終於都到第二日。 

放午膳既時候,鐘聲一響,我馬上飛奔上揾隔離班既浩仔。 

「喂,點啊,媾得女未啊?」 

「你同我定啦,我聽晚約左一大班女去唱K。到時,你跟埋我去,包你媾到女。」阿浩堅定地說。 

見佢咁淡定,我諗都應該信得過既... 



啊Hi!!!咪向左走向右走住先!!!!! 

「咪住,唱K!?」 

「係啊,Neway啊,有咩問題啊?」阿浩問。 

「喂大佬,我毒向左走向右走黎架咋,你叫我係一班唔識既女面前唱歌!?」 

「再加上...」我細細聲講。 



「加上咩啊?」 

「我未去過唱K。」 

做左十幾年人,聽就成日聽人地講,但我真係未唱過K。我身邊識既人都係毒向左走向右走,若然係你啊,斷估你都唔會約班毒向左走向右走去唱K掛? 

「唔向左走向右走係掛你,咁大個人都未唱過K。」阿浩瞪大雙眼。 

「...今日放學之後,你有冇約女啊?」我問。 



「冇既,做乜咁問?」 

「一係咁啦,放學你陪我唱一次K先啦。」我動議。 

「乜向左走向右走野話!?」


「我係話,叫你放學陪我去唱一次K啊?」我重複一次。 

「Hi,我夠聽到落。」 

「咁又係你叫我講多次既...」 

「你係咪gay架?兩個男既走去唱K。」 



「唔係啊...咁我驚第一次去,乜都唔洗,會係啲囡囡面前Seven...」Hi,毒在骨子裡。 

可能阿浩見我個樣咁慘,佢居然,應承左。 

「唉Hi,怕向左走向右走左你喇...」阿浩擰一擰頭。 

「即係肯啊?」我問。 

「係啊Hi 你,煩過我條女啊。」阿浩不耐煩咁講。 

「所以我一直都話,浩仔係最好既。」 

就係咁,一直去到放學,我就同左浩仔兩個人走去Neway。 

「喂,放學練唔練波啊?」臨放學,振威問我。 



係喎,一時間都醒唔起,原來今日要練波。 

媾女,定籃球? 

當時既我,揀左媾女。 

「唔喇,我約左人..」 

「吓,約左邊個啊?明明今日應承左光頭鉅架喎,你唔係走數下話。」振良說。 

「唔係啊,我約左浩仔...」 

「Hi 你啊,你揾個Hi Hi仔!?」唉,我都估到佢咁既反應。 



振威咁多年黎,都覺得係浩仔背叛左我地... 

我冇出到聲,走左去揾浩仔,振威亦冇留住我。我一早都估到大概會係咁,但我唔後悔,因為我預左做玩家依條路,一定唔好走。 

嗯,我冇後悔。 

至少當時冇...


我等到浩仔放學之後,我地兩個一齊行去火車站附近既Neway。 

成件事,好GAY。 

一路上,我就一齊聽浩仔講野,內容大概就係關於佢食過既女,當中有趣既經歷,同埋,分享下佢平時點媾女。 



「其實你平時點媾女架?」我問。 

「拿,老老豆豆,出面啲女呢,其實一見我銀包就開始濕架喇,基本上都唔洗我追。」浩仔說。 

「吓,咁你會唔會真係比錢佢地架?」我再問。 

「上過床個啲,唔多唔少都會比。」 

嘩,咁同叫雞有咩分別啊!? 

「原則上係差唔多既,但其實差好遠。」 

「何出此言啊浩兄。」 

「你諗下,你叫雞Hi個啲女,係真係雞黎。我Hi個啲,係學生妹黎,嚴格上黎講,佢地係為左我做雞,點同呢。」 

亞太區有一天成為亞太區你個街丫,又幾有道理喎。 

「仲有啊,到時啊,你唔好見有咁多女就驚啊。記住,淡定有錢淨。放膽啲!」 

「好。」我回應。 

傾左陣,我地終於去到目的地。浩仔幫我搞左張會員卡之後,有個靚女姐姐帶左我地入房。 

心諗,Hi,咁咋?我覺得真係好哂錢,比幾十蚊真係得唱歌再加兩杯雜果賓治。點解唔返屋企對住個花灑唱呢?硬係要哂錢黎依度唱,真係諗極都諗唔明。 

「喂,你識唱咩歌架?唔計Eason。」浩仔攞左搖控,問。 

「有,好想大聲說喜歡你。」我答。 

「好..想..大..聲..說..喜..歡..你..,喂冇既?咩歌黎架?」 

「吓,灌籃高手主題曲喎,你唔記得喇咩?」 

「Hi 你,唔係日文歌黎架咩!?」 

「係啊,我識唱架,君が好きだと叫びたい~」依家諗返都得啖笑。 

「啤~~~~~~」阿浩比我吹到啤一聲。


「做咩啊,冇架咩?」我仲on勁勁咁問。 

「好心你就咪再聽個啲日文歌啦,好q毒啊。」 

咩毒啊,不知幾熱血。 

「拿,依幾首個個唱K都會點架喇,你試下跟住唱啦。」佢揀左幾首柏豪啊,Dear June之類既歌。 

Hi,完全唔係奕迅個皮。 

之後,浩仔再教我點禁制點歌啊,點開咪啊,同連wifi。 

「教就教哂你喇,聽日放膽啲,唔好怯,怯,你就輸成世。」時候都差不多,係時候要走。 

講真,我都係冇乜信心。 

係一班陌生人,仲要係一大堆囡囡面前一展歌喉,老實講,我好驚Seven。 

好驚走音,班人會笑我唱得難聽,但我又廢事同浩仔講,如果唔係佢又會話我毒。 

「唔得,我唔可以再毒落去。」我同自己講。 

「拿,比個你喇,唔知你會唔會用得着,當係護身符啦。」阿浩遞上一個粉紅色包裝既野。 

我諗,應該係安全套。 

「唔該哂你喎今日。」 

「Hi,講呢啲!」當時仲好興依句。 

去到第二晚,我gel到個頭行一行。着返之前張彥琪帶我買既衫,不過,今次我去見既唔係Heidi,而係其他女。啊唔係,係女s。 

起初我以為自己冇收獲。點知... 

依一晚,我將會遇到既女仔,就係出現係我生命中第三個既女仔。 

Cherry─玩世不恭既SP