人渣誠自傳（完整版）: 十五

「Hi，李志誠，仲記唔記得我?」 

等左咁耐，終於都等到喇。 

「記得，Cherry啊話。」我回應。 

「係啊。」 

「揾我做咩呢?」 



「冇啊，我好悶啊，出黎陪下我。」 

咁進取?好喎。 

咪住，浩仔叫過我唔好咁順灘。 

「如果佢真係揾你，你都唔好狗衝，要吊高黎賣，信我啦。」佢好似係咁講。 

信佢都應該冇錯既。 



「我好忙。」 

點知，我一send完出去，佢成個鐘冇應機。 

Hi Hi，唔通浩仔條契分陰我? 

「其實我唔開心，求你出黎陪下我啦。」 

捨得揾我喇咩。 



「好啦好啦，你係邊?」依招叫欲拒還迎。 

佢約我係之前個公園等，我梳洗之後就即刻出門。臨出門之前，我攞返浩仔比我既套出黎。我揸實個套，對住佢祈禱。 

今次，求神拜佛，點都要比我用到你。


我將個套放返入銀包，行出門，踏上依條不歸路。 

去到公園等Cherry黎。 

今晚既佢，連身裙加黑絲，好有睇頭。 

「點啊你，做咩唔開心啊?」我問佢。 



「唉，唔好提喇。」 

嘩，你唔係唔開心要我出黎開解你咩?出到黎你又唔講係咩既玩法黎? 

「咁你叫我出黎做咩啊?」 

「不如...你唱歌比我聽丫?」Cherry說。 

唱歌，唱咩歌啊? 

「好地地做乜唱歌呢?」 

「咁我依家唔開心，你唱首歌dum我開心得唔得先?」 

為左可以用個套，好，我乖乖就範。 



「咁唱咩歌啊?」我問。 

「是旦啦。」 

突然，我靈機一觸。 

我墮入公屋 你卻住私人樓 始終有隔膜 

「Hi，哈哈哈，乜向左走向右走野黎架?冇個字啱音既?哈哈....」佢笑到痴線。 

「你個人真係好funny。」佢再講，個頭微微向前傾。 

佢錫左我一啖。 



多謝你啊，Qbear。


佢錫左我一啖之後，我個人都放膽左。 

正當我諗住錫返佢轉頭既時候，佢又錫過黎。 

今次仲要伸埋條痢... 

嘩，狼死到佢呢。 

原本我以為都係打下車輪過一晚，點知， 

「去我度啦不如..?」Cherry問。 



上佢度!? 

依句野充滿住無限既可能性，上得佢度唔通仲錫咩，緊係有下一步既攻勢啦。 

好!我奉陪到底! 

「好啊。」我說。 

唔知你有冇睇過啲情慾片，準備開房既男女係電梯一路摷到入屋企為止就搞野。但我一直都好想知道，咁佢地行去屋企個段期間有冇一路錫，一路摷呢? 

答案係冇。 

至少我同Cherry冇。 

我地一路上手都冇拖過，都冇乜講過野。 

暴風雨前夕，總是異常地平靜。 

一場腥風血雨既戰鬥，即將開始。


行緊既時候，我難免都會胡思亂想。 

你知架啦，做左咁耐毒向左走向右走，一聽到有得上囡囡屋企，真係咸濕少少都扯旗。 

而我，就扯足全程。 

腦內幻想住等陣同Cherry既各種交戰過程。係運動訓練既角度黎講，依啲叫內部表象訓練。 
即係預先FF一次將會發生既情境，諗下要點應對。 

「到喇，就係依度。」不經不覺，已經到左。 

「嗯。」 

佢住三十幾層樓，搭電梯既時候我地亦冇瘋狂互摸。 

原因好簡單，因為架電梯仲有其他人。唔通係佢地面前揸佢波咩? 

現實黎架，你估拍戲啊? 

去到佢屋企門口，我地終於有第二次既交流。 

「除鞋。」 

「好。」 

入到屋，一個人都冇。佢入左去廁所，我就乖乖地坐係大廳，望下佢屋企既間格... 

Hi，有得扑野未呢? 

我當時諗既野，應該同你地冇乜分別。 

Cherry一出到黎既時候，嘩，救向左走向右走命。 

佢就咁係我面前除絲襪。 

實在太過份喇!!!!我忍無可忍!!!!!!!! 

我既慾火再也控制不住了，到左依個地步，我要懲罰佢。 

我一野狗衝上去禁住佢.... 

「你死緊喇。」