女人係一種好奇怪既動物。作為男人既你,永遠都猜不透佢地既心。 

而我最諗唔明既係,點解佢地明知條仔係花心既賤精,仲要送上門呢? 

唔通真係男人唔壞,女人唔愛?定係啲女真係豬向左走向右走到咁? 

即使我個名係學校已經開始臭,但反而多左女鐘意我。 

「點解架呢?」我百思不得其解。 



「你靚仔囉。」振威說。 

有道理,客觀。 

話就話諗唔明姐,但人地送到上門,唔通話唔好咩。 

阿欣,就係其中一個送上門既女仔。 

中六既時候,我入左6C,阿欣就坐係我後面。正正因為咁,我地平時會吹下水咁。然後有一日,佢同左我表白... 



「其實你有冇鍾意既人啊?」識左一排之後,我地開始whatsapp吹水。 

「有...掛」 

「人名呢??」我再打個奸笑樣。 

「唔話你知。」 

「好囉。」我係後面打個鄙視樣。 



打完之後,Hi Hi,佢藍剔我。但當時我只係當佢係朋友,所以都冇太在意。 

點知,隔左一兩個鐘之後,whatsapp響起,係阿欣... 

「李志誠,我鍾意既人係你。」



吓...?咁突然? 

我冇立即回應佢,去左問振威意見。Hi佢,最衰都係佢... 

「救向左走向右走命,阿欣同我表白。」我打開RC揾振威。 

之所以我會揾振威,純粹因為佢地兩個幾熟。係兩三年前,振威鍾意過佢,時至現今佢地都有聯絡。 



「哦,我知啊。」振威輕描淡寫地說。 

「你又知!?」 

「我知。」 

「點解呢?」我問。 

「佢頭先whatsapp我,傾左成個幾鐘喇。」 

Hi 你唔同我講既!? 

「其實佢係一個好好既女仔黎架,你好好對人啦。」 



「咪住先,我冇話同佢一齊喎。」 

「唔係掛,咁好既女仔你都諗啊?去啦。」佢不斷游說我,唔知係咪收左錢。 

阿欣的確係人人皆知既好女仔,靚唔靚真係見仁見智,但心地的確善良。份人傻傻更更,好鍾意笑。 

但係,真係冇feel。 

「Feel依啲野,一齊得耐自然有架啦。試下先啦你。」 

好,信你一次。 

「我都鍾意你。」我回應阿欣。 

我又呃多一個。




「真係既?」阿欣問。 

「係啊」係條春咩,純粹想媾你咋。 

「咁我地試下一齊?」 

「嗯」媾女,變到好易。 

就係咁,我就同左阿欣一齊。一切都黎得太快,所以去都去得好快... 

「一齊左喇?」振威返學既時候問我。 

「係啊,又係你叫既。」 



「叻仔,好好對人啦。」 

佢係咁講姐,但我冇咁做到。相反,我仲傷得佢好深。 

「喂~」阿欣從後拍我,把聲好嗲。 

「早晨。」我笑住講。 

佢望住我冇出聲,笑得好開心。睇黎,佢當時都幾鍾意我。係既,佢對我真係好好... 

仲好記得同佢一齊既頭幾日,我即刻病,喉嚨痛到Hi Hi。依家諗返,可能係報應啦。 

「點啊你,唔舒服啊?」佢把聲實在溫柔到令我唔自在。 

女人只要一拍拖,對你既態度會變得好可怕。一齊前既佢一定唔會咁同我講野。 

「係啊...」 

第二朝起身既時候返到學校,佢攞左一枝野比我。 

「我琴晚捱夜煲架,你同我飲哂佢。」佢遞比我。 

老實講,我到依家都up唔出枝野叫咩名,但一見到佢對我咁好...我個刻真係好感動。 

「多謝你。」 

佢笑得好燦爛,但係之後既日子奪去佢笑容既,亦係我... 


一啖飲落去,好甜,好暖。 

多謝你曾經愛過我,多謝。