人渣誠自傳（完整版）: 二十二
行返屋企既依段路，我攞出部電話。我見到既，係追魂call。
知唔知咩係追魂call啊?就係你條女係咁打比你啊。
我一睇，Hi那星，打左廿幾次比我。
「喂，你揾我啊?」我打返比阿欣。
「冇啊，睇你去左邊姐。」
你係咪咁無聊啊大佬。
「頭先訓左啊..」
「訓左定係去左揾女啊...」
嘩!咁向左走向右走醒!?
「唔會啊」我說。
「係咪架，你真係唔會揾第二個?」佢問。
揾左啦...
「唔會。」我堅定地說。
諗起自己講大話既時候，我都不禁佩服自己起來。
我一直深信自己可以呃佢呃到最後，但係，我冇...
原本以為Cherry唔識阿欣，兩個冇機會接觸，就唔會有人知我地兩個有路...
可惜，紙包唔住火。
第二日，我趁屋企冇人，又帶左阿欣返屋企。
一開始係話上去溫書，準備考試。一開始真係有攞本書出黎既，溫左一陣之後，Hi，咪又係打茄輪。
我地由客廳打到入我間房，由地下打到上我張床。
「衰人，又話溫書。」阿欣拍一拍我。
扮咩丫，明明就好開心。
「溫書邊及你重要丫。」甜言蜜語已經變成家常便飯。
一年前既我，對住女人就走音，依家居然可以咁自然講啲咁骨痺既對白。我，好似真係變左好多。
「都唔知係真唔係...」講就咁講，咪又係比我錫。
身體很誠實。
一切都同平常一樣，阿欣冇發現我偷食。既然係咁，唔洗驚啦，再揾過Cherry先。
就係咁，我係依一個月一腳踏兩船。
直至一日...
直至有一日放假，我如常約阿欣食飯。個日既佢，好明顯心情唔多好，心事重重咁款。但我冇問佢咩事。
廢事啦，又唔關我事。
食野既時候，基本上佢冇講過野，只係間唔中望實我。
「望咩呢?」
「冇...冇野...」
Hi，咁既樣都話冇。有陣時我真係好向左走向右走憎啲人，個樣好明顯就有事，但問佢佢又扮哂冇野咁。想點呢?
「哦，是旦你。」
話知佢。
食完野之後，又冇地方去。其實我發現，拍拖有時都幾悶，成日都冇地方去，出太遠又哂錢。
「咁去我度啦。」
「嗯。」
同樣既情節，同樣既人物。上到去，又打茄輪。
但今次，有少少唔同。
打左幾分鐘，我問，
「可唔可以啊...?」其實我問過好多次，雖然次次都唔得，但我一直都有繼續問。
原本以為佢又唔比，但係佢居然點頭。
「嗯...」
............!?
乜話，我唔係聽錯掛...
「你比...?」我問。
阿欣擰轉面，點一點頭。
啊呀!!!!!!!!!!!!終於都比我等到喇!!!!!!!!!!!!!!!!
成件事就好似你係街扯旗扯左成個月，終於可以返屋企打丁一樣。媽啊，我終於可以得到解脫喇。
你雖知道，即使阿欣由頭掃到落對波，都冇樣野可以比得上Cherry，但比起Cherry，我更加想搞佢。
有時候女既魅力並不在於身材，而係氣質。
阿欣有一種好清純，好文學少女，同好濃烈既處女味。
女，我真係食唔少。處女真係第一次。
肥龍，輪都輪到我喇，亞太區有一天成為亞太區你個臭街。
我一邊錫阿欣，一邊純熟地脫去佢既衣服，解開佢個bra。
Hi，真係好細。我從未見過咁細...
是旦啦，有得扑就唔好咁多嗲。
我脫去自己衣服，正準備見紅之時，
「真係得。」我都係循例問下架姐。
就算佢話唔得，我諗我都唔會收手。
點知，阿欣喊左出黎。佢既眼淚，我到依家仲好記得...
「做咩喊啊你?發生咩事啊?」見到佢流眼淚，嚇我到屎都瀨。
由於小弟係個種見到女人就會心軟，所以，我好驚女人喊。
當時我仲以為係佢驚痛，所以先喊，但原來唔係。
係因為我...
「嗚...嗚.....」阿欣已泣不成聲。
又做乜向左走向右走啊?
「我個friend話前幾晚，見到你同個女仔上時鐘，係咪真架?」
Hi Hi了。
「邊個講架!?」唔好比我知，我實Hi爆佢把口。
「係咪真啊!?」阿欣發哂癲。
「...」我冇出聲，默認。
我以為佢會一把摑落去，之後問候我祖宗。但佢冇。
「對唔住啊...」佢居然同我道歉。
點解，點解係你道歉?
「我好怕你會攞完我第一次就唔要我，所以一直以黎先唔比你...對唔住..」
「我比你搞丫，你唔好唔要我啦好冇?我求下你丫...」阿欣再說。
我望住眼前既阿欣，到底佢要攞出幾大既勇氣先可以講出依番說話，到底佢有幾愛我。我唔知，但至少我肯定，佢比我自己更愛「李志誠」。
我為佢披上外套，抱緊佢。
「我真係好愛你架...」阿欣喊得更厲害。
對唔住。
「嗯，我知。」
「我真係知架喇。」我抱得再實一點。
佢咁愛我，我再傷害佢，仲係人黎既?
「你唔好再揾個女仔啦好冇?」阿欣問。
「嗯。」
我唔會再揾Cherry約炮架喇。
佢聽到我話唔再揾個女仔既時候，即刻笑返。佢既笑容，甜得可怕。
點解呢?我同第二個女仔開完房，你仲可以咁愛我?
我只係一個人渣，我唔值。
你值得擁有一個更好既男仔，依個人一定唔係我。
佢喊左陣，我送左佢返屋企，我就再冇揾過佢喇。
最終，我都冇搞到阿欣。
可能係我依個人渣，剩低少少既良知。
離開你，係我對你最後既溫柔，亦係唯一既溫柔。